अंजुमन वूमन कॉलेजमध्ये विद्यार्थिनींसाठी सायबर सुरक्षा व कायदेविषयक प्रभावी जनजागृती सत्र
पोलीस महानगर नेटवर्क
मुंबई : अंजुमन वूमन कॉलेजमध्ये विद्यार्थिनींसाठी महत्त्वपूर्ण आणि वेळेची गरज ओळखून एक व्यापक जनजागृती सत्र आयोजित करण्यात आले. या सत्रामध्ये सायबर सुरक्षा, फोटो मॉर्फिंगचे वाढते धोके, अमली पदार्थांविरोधातील जनजागृती तसेच नवीन लागू झालेल्या BNS व BNSS कायद्यांची माहिती यावर सविस्तर मार्गदर्शन करण्यात आले.
तज्ज्ञ वक्त्यांनी सोशल मीडियावरील फसवणूक, ऑनलाईन ब्लॅकमेलिंग, फोटो मॉर्फिंगद्वारे होणारे मानसिक व सामाजिक नुकसान याची उदाहरणांसह माहिती देत विद्यार्थिनींना सतर्क राहण्याचे आवाहन केले. तसेच अमली पदार्थांच्या व्यसनामुळे जीवनावर होणारे गंभीर परिणाम स्पष्ट करण्यात आले. नव्या गुन्हेगारी कायद्यांमुळे नागरिकांना मिळणारे हक्क व संरक्षण याचीही माहिती देण्यात आली.
या प्रसंगी आपत्कालीन परिस्थितीत पोलीस हेल्पलाइन 112 आणि सायबर गुन्ह्यांसाठी राष्ट्रीय सायबर हेल्पलाइन 1930 यांचा योग्य वापर करण्याचे आवाहन करण्यात आले. विद्यार्थिनींनी मोठ्या उत्साहाने या सत्रात सहभाग घेतला व विविध विषयांवर प्रश्नोत्तरांच्या माध्यमातून माहिती घेतली.