धक्कादायक ! भायखळा येथे झोपेत चालणाऱ्या व्यक्तीचा सहाव्या मजल्यावरुन पडून मृत्यू
पोलीस महानगर नेटवर्क
मुंबई – मुंबईतील भायखळा परिसरातून एक धक्कादायक घटना समोर आली आहे. एका १९ वर्षांच्या तरुणाला झोतेत चालण्याच्या सवयीमुळे नाहक प्राण गमवावे लागले आहेत. सदर घटना भायखळा पोलीस स्थानकाच्या हद्दीत घडली आहे. माझगाव येथे राहणाऱ्या चुनावाला कुटुंबातील १९ वर्षांच्या मुलाचा इमारतीच्या सहाव्या मजल्यावरुन कोसळून मृत्यू झाला आहे.
मिळालेल्या माहितीनुसार मुस्तफा इब्राहिम चुनावाला असं या मृत तरुणाचं नाव आहे. चुनावाला यांना एक १९ वर्षांचा मुलगा होता. सहाव्या मजल्यावरुन पडल्यानंतर मुस्तफा गंभीर जखमी झाला होता. त्यानंतर त्याला सेफी रुग्णालयात नेण्यात आलं. मात्र, तोपर्यंत मुस्तफाचा मृत्यू झाला. या घटनेनंतर भायखळा पोलीस स्थानकाच्या हद्दीत राहणाऱ्या चुनावाला कुटुंबियांवर दुःखाचा डोंगर कोसळला आहे. मुस्तफाला झोपेत चालण्याची सवय होती. ३० जूनच्य मध्यरात्री मुस्तफा झोपेत चालत असताना सहाव्या माळ्यावरून खाली पडला. त्यानंतर त्याला तात्काळ सेफी रुग्णालयात दाखल करण्यात आलं. मात्र, तोपर्यंत फार उशीर झाला होता. त्याला डॉक्टरांनी मृत घोषित केलं. या प्रकरणी भायखळा पोलिसांनी अपघाती मृत्यूची नोंद केली असून पोलीस याप्रकरणी अधिक तपास करत आहेत.