कापूरबावडी पोलिसांकडून “सायबर जनजागृती कार्यक्रम”; पो.नि. (मा.) मंजुषा भोंगळे यांचे मार्गदर्शन
पोलीस महानगर नेटवर्क
ठाणे – वाढत्या सायबर गुन्ह्यांच्या पार्श्वभूमीवर नागरिकांना सायबर सुरक्षेबाबत जागरूक करण्याच्या उद्देशाने कापूरबावडी पोलीस ठाण्याच्यावतीने मातृमा चर्च येथे “सायबर जनजागृती कार्यक्रम” आयोजित करण्यात आला.
या कार्यक्रमात पोलीस निरीक्षक (महिला शाखा) मंजुषा भोंगळे यांनी उपस्थित नागरिकांना सायबर सुरक्षेचे महत्त्व, ऑनलाइन फसवणूक टाळण्यासाठी घ्यावयाची काळजी, तसेच ‘आधारवड’ या उपक्रमाबाबत सविस्तर मार्गदर्शन केले.
कार्यक्रमादरम्यान विविध उदाहरणांच्या माध्यमातून नागरिकांना पासवर्ड सुरक्षितता, सोशल मीडियाचा जबाबदारीने वापर, फसवणूक ओळखण्याचे उपाय यांची माहिती देण्यात आली.
या उपक्रमाला स्थानिक नागरिक, सामाजिक संस्था व युवकवर्ग यांचा उत्स्फूर्त प्रतिसाद लाभला. कापूरबावडी पोलीस ठाण्याने अशा जनजागृती उपक्रमांद्वारे नागरिकांमध्ये सायबर सुरक्षिततेबाबत सजगता निर्माण करण्याचा संकल्प व्यक्त केला.