अंधेरी पूर्वेत न्यू पोलीस वसाहतीमध्ये पोलीस हवालदाराने गळफास लावून केली आत्महत्या
योगेश पांडे / वार्ताहर
मुंबई – मुंबईच्या अंधेरी पूर्वेत न्यू पोलीस वसाहतीमध्ये पोलीस हवालदाराने गळफास लावून आत्महत्या केल्याची घटना समोर आली आहे. ४६ वर्षीय पोलीस हवालदार मरोळ एल मध्ये कार्यरत होते. मागील तीन महिन्यापासून त्यांना कावीळचा आजार होता. कावीळचा आजार असल्यामुळे त्यांच्यावर उपचार सुरू होता. या उपचारादरम्यान त्यांची पत्नी आपल्या दोन मुलांना घेऊन माहेरी निघून गेल्यामुळे पोलीस हवालदार तणावात होते. मागील तीन ते साडेतीन महिन्यापासून मरोळ एल मध्ये देखील नोकरीपासून पोलीस हवालदार गैरहजर होते.
पत्नी मुलं नसल्यामुळे आणि आजारांपासून तणावत असलेल्या पोलीस हवालदारने शनिवारी आपल्या घरामध्ये पंख्यामधून गळफास लावून आत्महत्या केली. आत्महत्या करण्यापूर्वी पोलीस हवालदार यांनी सुसाईड नोट लिहून आजारापासून तणावात आणि कुटुंब सोबत नसल्याचा तणावातून आत्महत्या करत आहेत असं लिहून आत्महत्या केली आहे. सध्या अंधेरी पोलिसांनी या प्रकरणी एडीआर दाखल करून पोलीस हवलदार ने टोकाचा पाऊल का उचलला या संदर्भात अधिक तपास करत आहे. केवळ चार दिवसांच्या कालावधीत तिसऱ्यांदा पोलिसाने आत्महत्या केल्याची धक्कादायक घटना समोर आली आहे. सतत घडणाऱ्या या आत्महत्यांमुळे पोलिस दलातील तणाव आणि मानसिक आरोग्याबाबत गंभीर प्रश्न निर्माण झाले आहेत. पहिली घटना १३ ऑगस्ट रोजी घडली. कांदिवलीच्या समता नगर पोलीस ठाण्यात कार्यरत असलेले गणेश राऊळ (३२) यांनी नालासोपारा रेल्वे स्थानकात ट्रेनखाली उडी मारून आत्महत्या केली. सुरुवातीला हा अपघात असल्याचे मानले जात होते, मात्र सीसीटीव्ही फुटेज तपासल्यानंतर ही आत्महत्या असल्याचे स्पष्ट झाले.