पत्नीने आपल्या प्रियकराच्या मदतीने पतीची हत्या केल्याची धक्कादायक घटना उघडकीस
१३ वर्षांच्या मुलीने साक्ष देऊन आई आणि तिच्या प्रियकराचा केला पर्दाफाश
योगेश पांडे / वार्ताहर
मुंबई – मुंबईमध्ये एका पत्नीने आपल्या प्रियकराच्या मदतीने पतीची हत्या केल्याची धक्कादायक घटना उघडकीस आली आहे. या प्रकरणात १३ वर्षांच्या मुलीने साक्ष देऊन आई आणि तिच्या प्रियकराचा पर्दाफाश केला. पोलिसांनी पत्नीला अटक केली असून इतर दोन आरोपींचा शोध सुरू आहे.आरे कॉलनी पोलीस स्टेशनचे वरिष्ठ निरीक्षक रवींद्र पाटील यांनी सांगितले, “पत्नीला अटक करण्यात आली आहे आणि आम्ही अन्य दोन आरोपींचा शोध घेत आहोत.” जयश्रीने जखमी भरत यांना दवाखान्यात नेण्याऐवजी तीन दिवस घरीच ठेवले होते. १३ वर्षांची मुलगी वडिलांना तडफडताना पाहून नातेवाईकांना माहिती दिली. त्यानंतर भरत यांना रुग्णालयात दाखल करण्यात आले, परंतु उपचारादरम्यान ५ ऑगस्ट रोजी त्यांचा मृत्यू झाला.
राजश्री याने सुरुवातीला सांगितले की, भरत यांना दुचाकी अपघात झाला होता. मात्र, मुलीने खरी घटना सांगितल्यानंतर राजश्रीचा खोटेपणा उघड झाला. मुलीने पोलिसांना सांगितले की, तिचा प्रियकर आणि आणखी एक व्यक्ती तिच्या वडिलांना मारत होते आणि तिची आई तिथेच उभी होती.मुलीच्या जबाबावरून पोलिसांनी राजश्रीला अटक केली आणि तिच्यावर हत्येचा गुन्हा दाखल केला. चंद्रशेखर पडायाची आणि रंगा नावाचा आणखी एक आरोपी फरार आहे. पोलीस त्यांचा शोध घेत आहेत. भरत यांच्या मुलीने सांगितले की, तिने तिच्या वडिलांना रक्ताची उलटी करताना पाहिले. त्यानंतर तिने नातेवाईकांना घटनेची माहिती दिली. भरत यांच्या भावाने सांगितले की, राजश्रीने सर्वांना सांगितले की भरत यांचा अपघात झाला आहे. भरत यांच्या भावाने आणि वकिलांनी आरोपींना कठोर शिक्षा देण्याची मागणी केली आहे.