हनीट्रॅप प्रकरणात भाजपमध्ये प्रवेश केलेला नेता प्रफुल्ल लोढा यांच्यावर मुंबईत पॉस्को आणि बलात्काराचा गुन्हा दाखल करत अटक
योगेश पांडे / वार्ताहर
मुंबई – नाशिकमधील बहुचर्चित हनी ट्रॅप प्रकरणात ७२ वरिष्ठ सरकारी अधिकारी आणि नेते अडकल्याची चर्चा सुरू असताना आता हनी ट्रॅप प्रकरणाची पाळमुळं जळगावपर्यंत पोहोचली आहेत. हनीट्रॅप प्रकरणात जळगाव जिल्ह्यातील जामनेर येथील प्रफुल्ल लोढा याच्या विरोधात मुंबईत पोस्को बलात्कारसह हनी ट्रॅप प्रकरणात दोन गुन्हे दाखल असून प्रफुल लोढा यास अटक देखील करण्यात आली आहे. प्रफुल्ल लोढा यास अटक झाल्यानंतर मुंबई पोलिसांकडून जळगाव जामनेर व पहूर या ठिकाणी प्रफुल्ल लोढा याच्या मालमत्तेची पोलिसांकडून झडती घेण्यात आली आहे. पोलिसांनी लॅपटॉप, पेन ड्राईव्ह आणि इतर इलेक्ट्रॉनिक डिव्हाइस जप्त केली आहेत. जळगावच्या जामनेरमधील रहिवासी असणाऱ्या प्रफुल्ल लोढावर अंधेरी एमआयडीसी पोलीस ठाण्यात पॉस्को, बलात्कार आणि हनीट्रॅपचा गुन्हा दाखल झाला आहे . यापूर्वी प्रफुल्ल लोढा याच्यावर साकीनाका पोलीस स्टेशन मध्येही पोस्कोसह खंडणीचा गुन्हा दाखल झाला होता. याप्रकरणी साकीनाका पोलिसांकडून प्रफुल्ल लोढा याला ५ जुलै रोजी चकाला येथील लोढा हाऊसवरून अटक केली होती. साकीनाका पोलीस स्टेशनमध्ये दाखल झालेल्या गुन्ह्यात ६२ वर्षीय प्रफुल्ल लोढा यांच्यावर नोकरीचे आमिष दाखवून १६ वर्षीय मुलीवर आणि तिच्या मैत्रीणीवर अत्याचार केल्याचा आरोप आहे. आरोपी लोढा याने दोन्ही मुलींवर अत्याचार करून त्याचे अश्लील छायाचित्र काढल्याचा आरोप आहे. एवढेच नाही तर मुलींना लोढा हाऊसमध्ये डांबून ठेवत त्यांना धमकवल्याचा देखील त्याच्यावर आरोप आहे.
आता अंधेरी एमआयडीसी पोलीस स्टेशनमध्ये दुसरा गुन्हा दाखल झाला असून त्याच्यावर पोस्कोसह बलात्कार आणि हनी ट्रॅपच्या कलमांतर्ग गुन्हा दाखल केला आहे. प्रफुल्ल लोढा यास अटक झाल्यानंतर मुंबई पोलिसांकडून जळगाव जामनेर आणि पहूर या ठिकाणी त्याच्या मालमत्तेची पोलिसांकडून झडती घेण्यात आली. तपासणी दरम्यान पोलिसांनी लॅपटॉप, पेन ड्राईव्ह इलेक्ट्रॉनिक डिवाइस जप्त केले आहेत. प्रफुल्ल लोढा हा एकेकाळी जळगाव जिल्ह्यातील मातब्बर नेत्याचा निकटवर्तीय म्हणून ओळखला जायचा. पण नंतर प्रफुल्ल लोढाने त्याच नेत्यावर गंभीर आरोप केले होते. त्याला लोकसभा निवडणूक २०२४ मध्ये वंचित कडून उमेदवारी देण्यात आली होती. मात्र अवघ्या पाच दिवसात लोढाकडून माघार घेण्यात आली होती. त्यानंतर त्यांनी देवेंद्र फडणवीस यांच्या उपस्थितीत भाजपात प्रवेश केला होता एकीकडे मंत्री गिरीश महाजन यांचे विरोधक असलेले प्रफुल्ल लोढा आता गिरीश महाजन यांचे कट्टर समर्थक म्हणून त्यांची ओळख निर्माण झाली हनीट्रॅप प्रकरणात अडकले तर नाशिक हनी ट्रॅप प्रकरणात अडकलेल्या ७२ अधिकाऱ्यांमध्ये जळगावमधील माजी एक लोकप्रतिनिधीसह दोन अधिकारी अडकल्याची माहिती, यातही लोढाचा काही सहभाग आहे का? याचा तपास पोलीस करत आहेत.