पुण्यातील जॉकीच्या शोरूममध्ये महिलांची अंतर्वस्त्रे चोरताना आरोपीला येरवडा पोलीसांनी रंगेहाथ केली अटक
योगेश पांडे / वार्ताहर
पुणे – मागील काही दिवसांपासून पुण्यातील अनेक खळबळजनक घटना पुढे येताना दिसत आहेत. पुणे तिथे काय उणे ही म्हण जग प्रसिद्ध आहे. पुणे शहराला शिक्षणाची पंढरी म्हटले जाते. मात्र, आता सध्या पुण्यातील गुन्हेगारी मोठ्या प्रमाणात वाढलीये. पुण्यात होणाऱ्या चोरीच्या घटना वाढल्या आहेत. आता पुण्यातून एक अजब चोरीची घटना पुढे आलीये. चक्क एका चोरट्याने पुण्यातील जॉकीच्या शोरूममधून महिलांची अंतर्वस्त्रे चोरी केली आहेत. चोरट्याला पोलिसांनी ताब्यात देखील घेतलंय. पुण्यातील जॉकीच्या शोरूममध्ये एक पुरुष चक्क महिलांची अंतर्वस्त्र चोरायचा. सोने आणि पैशांच्या चोरीच्या घटना यापूर्वी ऐकल्या असतील. मात्र, चक्क जॉकीच्या शोरूममधून एक व्यक्ती महिलांची अंतर्वस्त्रे चोरताना पकडला गेलाय. हेच नाही तर त्याने गुन्ह्याची कबुली देखील दिलीये. येरवडा पोलिसांनी त्याला अटक केलीये. पोलिसांनी चोरट्याकडून मुद्देमाल देखील जप्त केलाय. याप्रकरणी पोलिसांकडून अधिकची चाैकशी केली जातंय.
गणपत मांगीलाल डांगी (४४) असं आरोपीचे नाव आहे. पोलिसांनी दिलेल्या माहितीनुसार, दिनांक १९ एप्रिल २०२५ रोजी तपास पथकाचे श्रेणी पोलीस उपनिरीक्षक प्रदिप सुर्वे आि पोलीस हवालदार सागर जगदाळे यांना माहिती मिळाली की, कल्याणीनगर येथील एस. एल. इंटरप्राइजेज नावाचे जॉकी कंपनीचे कपडयाच्या शॉपमध्ये चोरी करणारा इसम नामे गणपत डांगी हा कल्याणीनगर येथे थांबलेला आहे. आरोपीला अटक केल्यानंतर कसून चौकशी केल्यावर त्याने आपला गुन्हा काबुल केला. जॉकीच्या शोरूममधून त्याने तब्बल ८ लाखाच्या किमतीचे अंतवस्त्र चोरी केले आहेत, त्यानुसार त्याच्यावर गुन्हा दाखल केला असून पुढील तपास पोलीस करत आहे. पुणे शहरामध्ये चोरीच्या गुन्ह्यांच्या अनुषंगाने पोलीस आयुक्त, पोलीस सहआयुक्त, अपर पोलीस आयुक्त, पूर्व प्रादेशिक विभाग, पोलीस उपआयुक्त, परिमंडळ-४, सहा. पोलीस आयुक्त, येरवडा विभाग, पुणे शहर यांनी हद्दीमध्ये पेट्रोलिंग करुन चोरीचे गुन्हे उघडकीस आणण्याचा अनुषंगाने सुचना दिलेल्या होत्या.