नाशिकच्या निफाड तालुक्यात सुखोई विमान कोसळलं, पायलट जखमी
योगेश पांडे / वार्ताहर
नाशिक – नाशिकच्या निफाड तालुक्यातील शिरसगाव येथे आज भारतीय हवाई दलाचे लढाऊ विमान सुखोई ३० कोसळले. निफाड येथील एका टोमॅटोच्या शेतात हे विमान कोसळले. सुदैवाने वैमानिकाने विमानातून एजेक्ट केल्याने वैमानिक बचावला आहे. तर विमानातील पायलट जखमी झाले असल्याची माहिती आहे. तांत्रिक बिघाडामुळे हा अपघात झाला, असावा असा प्राथमिक अंदाज आहे. देशात लोकसभा निवडणूक मतमोजणीची धामधूम सुरू होती मात्र, ही मतमोजणी सुरू असतांना नाशिकच्या निफाड येथे मोठा अपघात झाला.मंगळवारी १० ते ११ च्या सुमारास हवाई दलाचे सुखोई ३० हे लढाऊ विमान कोसळून अपघात झाला. हा अपघात नेमका कसा झाला, या बाबत अद्याप माहीती मिळू शकली नाही. मात्र, विमानात तांत्रिक बिघाड झाल्याची माहिती मिळताच वैमानिकाने विमानातून इजेक्ट होत पॅराशुटचा वापर करुन उडी घेतल्याने तो बाचावला. या अपघातानंतर एचएएल आणि हवाई दलाच्या अधिकाऱ्यांचे पथक घटनास्थळी पोहोचले, विंग कमांडर बोकील आणि बिस्वास असे या विमान अपघातातून वाचलेल्या वैमानिकांची नावे आहेत. त्यांना एचएएल रुग्णालयात भरती करण्यात आले आहे. अपघातग्रस्त विमानाचे भाग ५०० मीटर परिसरात पसरलेले .
हवाई दलाने या अपघाताची अधिकृत माहीती अध्याप दिली असून या प्रकरणी चौकशी समिति स्थापन करण्यात येईल अशी माहिती आहे.