वर्तकनगर व चितळसर परिसरातील शाळांमध्ये विद्यार्थिनींसाठी व्यापक जनजागृती अभियान

वर्तकनगर व चितळसर परिसरातील शाळांमध्ये विद्यार्थिनींसाठी व्यापक जनजागृती अभियान

पोलीस महानगर नेटवर्क

ठाणे – वर्तकनगर येथील वेद हिंदी व इंग्लिश शाळा तसेच चितळसर पोलीस ठाणे हद्दीतील बी.एस. बने शाळेतील विद्यार्थिनींसाठी ईगल ब्रिगेड फाउंडेशन यांच्या सहकार्याने व्यापक जनजागृती कार्यक्रमाचे आयोजन करण्यात आले. विद्यार्थिनींना सुरक्षित, सजग व जबाबदार नागरिक घडवण्याच्या उद्देशाने हा उपक्रम राबवण्यात आला.

या जनजागृती सत्रामध्ये

गुड टच – बॅड टच संदर्भातील माहिती,
मोबाईल, WhatsApp, Facebook, Instagram आदी सोशल मीडिया माध्यमांवरील सायबर गुन्हे व त्यापासून संरक्षण,
अमली पदार्थांचे घातक दुष्परिणाम,
तसेच नवीन BNS व BNSS कायद्यांबाबतची सविस्तर माहिती

या महत्त्वाच्या विषयांवर विद्यार्थिनींना सखोल व सोप्या भाषेत मार्गदर्शन करण्यात आले.

कार्यक्रमादरम्यान विद्यार्थिनींमध्ये मोठ्या प्रमाणावर उत्साह दिसून आला. आपत्कालीन परिस्थितीत कशी मदत घ्यावी, ऑनलाईन माध्यमांचा सुरक्षित वापर कसा करावा, अनोळखी व्यक्तींशी संवाद साधताना कोणती काळजी घ्यावी, तसेच कायदे माहिती असणे का आवश्यक आहे, याबाबत त्यांना सजग करण्यात आले.

सुरक्षित, सजग आणि जबाबदार विद्यार्थी घडवण्याच्या दिशेने टाकलेले हे महत्त्वपूर्ण पाऊल ठरत असून या उपक्रमाचे सर्व स्तरातून कौतुक करण्यात होत आहे.