परळी महामार्गावर भीषण अपघात; भरधाव एसटी बसने ५ तरुणांना चिरडले, नागरिकांनी बस पेटवली
पोलीस महानगर नेटवर्क
बीड – बीड परळी मार्गावर पहाटे भीषण अपघात झाला आहे. व्यायाम करण्यासाठी गेलेल्या तरुणांना रविवारी सकाळी भरधाव एसटी बसने चिरडले. यात तिघांचा जागीच मृत्यू झाला आहे. हे तिघेही तरुण पोलीस भरतीची तयारी करत होते. या घटनेने परिसरात मोठी खळबळ उडाली आहे. घटनेची माहिती कळताच नातेवाईकांनी जिल्हा रुग्णालयात धाव घेतली आहे. बालाजी मोरे, ओम घोडके, आणि विराज घोडके अशी मृत तरुणांची नावे आहेत. पोलीस भरती करणाऱ्या ५ तरुणांच्या अपघातामुळे गावकरीही हळहळले आहेत. सिमेंटच्या रस्त्यावरून बस खाली सरकल्याने हा अपघात झाला असण्याची शक्यता आहे.
देशात दिवसेंदिवस अपघातांची संख्या वाढत असून ही संख्या भयावह आहे. बीड परळी महामार्गावर रविवारी सकाळच्या सुमारास एसटी बसने तीन तरुणांना उडवले. पोलीस भरतीसाठी तयारी करणाऱ्या ५ तरुणांचा यात जागीच मृत्यू झाला आहे. हे तरुण नेहमीप्रमाणे पहाटे व्यायाम करण्यासाठी जात होते. यावेळी मागून भरधाव वेगात येणाऱ्या एसटी बसने तरुणांना धडक दिली. घोडका राजुरी जवळ झालेल्याया या अपघातात ५ तरुणांचा चिरडून मृत्यू झाला. घटनेची माहिती मिळताच तरुणांना जिल्हा रुग्णालयात नेण्यात आले. या तरुणांच्या मृत्यूने परिसरात शोककळा पसरली आहे. घटनेची माहिती कळताच या तरुणांच्या नातेवाईकांनी तात्काळ जिल्हा रुग्णालयात धाव घेतली आहे. अपघात नेमका कशामुळे झाला याचा तपास सुरु आहे. परळी महामार्गावर झालेल्या अपघातात बस सिमेंटच्या रस्त्यावरून खाली घसरली असून बसचा मागच्या काचा फुटल्या आहेत. या बसमध्ये प्रवासी होते का याबाबत अद्याप माहिती मिळू शकली नसून नेमका कशाने अपघात झाला? याचा तपास पोलीस करत आहेत, मात्र सदर बस ला नागरिकांनी पेटवून दिल्याची माहिती मिळत आहे.