प्रेरणा काम्प्लेक्सच्या इलेक्ट्रॉनिक गोदामाला भीषण आग; संपूर्ण गोदाम जळून खाक
योगेश पांडे/वार्ताहर
भिवंडी – भिवंडी तालुक्यातील राहणाळ येथे प्रेरणा कॉम्प्लेक्स येथील गोदामाला भीषण आग लागली. गोदामात इलेक्ट्रॉनिक सामान असल्याने आगीचा भडका उडाला. घटनास्थळी अग्निशामक दलाची एक गाडी व पाण्याचा एक टँकरही तात्काळ दाखल झाले आगीवर नियंत्रण मिळवण्यासाठी अग्निशामक दलाकडून शर्तीचे प्रयत्न केले या आगीत संपूर्ण गोदाम जळून खाक झाले. भिवंडी तालुक्यातील राहणाळमधील एका कॉम्पलेक्समधील गोदामाला आग लागली. या भीषण आगीत गोदामातील संपूर्ण साहित्य जळून खाक झाले आहे. या घटनेने परिसरातील लोकांची एकच धावाधाव झाली.
या आगीमुळे गोदामात ठेवण्यात आलेले इलेक्ट्रॉनिक साहित्याला आग लागली. या गोदामाला नेमकी आग कशी लागली, याची माहिती अद्याप समोर आलेली नाही.घटनास्थळी अग्निशामक दलाची एक गाडी आणि एक पाण्याचा टँकर पोहोचताच अग्निशामक दलाच्या जवानांकडून आगीवर नियंत्रण मिळवण्याचे शर्तीचे प्रयत्न सुरु केले.आगीत संपूर्ण गोदाम जळून खाक झाल्याची माहिती मिळत आहे. गोदामात मोठ्या प्रमाणात हायड्रोलिक ऑयल, प्लास्टिकचे सामान आणि केमिकल ठेवण्यात आले होते. गोदामातून आगीचे लोट येत असून संपूर्ण गोदाम आगीत भस्मसात झाले आहे. परिसरात धुराचे साम्राज्य दिसत असून आकाशात दूरवरून धूर व आगीचे लोट दिसू लागले.आगीचे कारण अजून अस्पष्ट नसून आगीवर नियंत्रण मिळवण्यात आले आहे.