माता तू वैरीणी ! नवजात बालकाला रेल्वेच्या बाथरूम मध्ये ठेवून पालक झाले पसार
पोलीस महानगर नेटवर्क
मनमाड – मनमाड रेल्वे स्थानकातून एक धक्कादायक बातमी समोर येत आहे “माता नाहि तू वैरीण” या म्हणीचा प्रत्यय सोमवारी मध्यरात्री साडेबाराच्या सुमारास मनमाड रेल्वे स्थानकात आला. नवजात बालकाला चालत्या गाडीतील बाथरूम मध्ये ठेवून पालक पसार झाल्याची धक्कादायक घटना समोर आली आहे. मात्र सोमवारी रात्री चक्क पालकांनीच धावत्या गाडीतील बाथरूम मध्ये आपल्या बालकाला ठेऊन पसारा झाल्याने महिन्या नवजात बाळाला सोडून देणारी ती आई नाही तर वैरीण आहे का? अशी चर्चा सर्वत्र होत आहे.
याबाबत अधिक माहिती अशी की, सोमवारी रात्री गाडी क्रं १७०५८ सिकंदराबादहुन मुंबईकडे जाणाऱ्या देवगिरी एक्सप्रेस मधील एका डब्याच्या बाथरूम मध्ये औरंगाबाद स्थानक सुटल्यानंतर लहान बालकाचा रडण्याचा आवाज ऐकू आल्याने गाडीतील प्रवाशांनी या बालकाच्या आई-वडिलांचे शोध घेतला. मनमाड रेल्वे स्थानक येईपर्यंत या बालकाच्या पालकांचा शोध न लागल्याने अखेर प्रवाशांनी पोलिसांशी संपर्क साधला आणि या नवजात बालकाला मनमाड स्थानकात लोहमार्गपोलिसांच्या स्वाधीन करण्यात आले. त्यानंतर लोहमार्ग पोलिसांनी नाशिक येथील बालसुधारगृहात रवाना केले. लोहमार्ग पोलिसांनी अज्ञात पालकांविरुद्ध गुन्हा दाखल करून पालकांचा शोध घेत आहेत. अशी माहिती लोहमार्ग पोलीस निरीक्षक महेश कुलकर्णी यांनी दिली आहे.