बदलापूरनंतर आता पालघर, ज्या नराधमाला घर दिलं त्यानेच चिमुकलीवर केला अत्याचार
योगेश पांडे / वार्ताहर
पालघर – बदलापूरची घटना ताजी असतानाच आता पालघरमधून हादरवणारी बातमी समोर आली आहे, जव्हारमध्ये पाच वर्षीय चिमुकलीवर बलात्कार करण्यात आला आहे. या घटनेनं खळबळ उडाली आहे. भाडेकरू म्हणून राहणाऱ्या नराधमानेच या चिमुरडीवर अत्याचार केल्याचं समोर आलं आहे. या प्रकरणात जव्हार पोलीस ठाण्यात गुन्हा दाखल करण्यात आला असून, घटनेबाबत अधिक तपास सुरू असल्याची माहिती पोलिसांकडून देण्यात आली आहे. घटनेबाबत अधिक माहिती अशी की, पालघर जिल्ह्यातल्या जव्हारमध्ये एका पाच वर्षीय चिमुकलीवर बलत्कार करण्यात आला आहे. या घटनेनं खळबळ उडाली आहे. भाडेकरू म्हणून राहणाऱ्या आरोपीनेच चिमुरडीवर अत्याचार केला. या चिमुरडीला उपचारासाठी रुग्णालयात दाखल करण्यात आलं आहे. या प्रकरणात जव्हार पोलीस ठाण्यात गुन्हा दाखल करण्यात आला असून घटनेबाबत अधिक तपास सुरू असल्याची माहिती पोलिसांनी दिली आहे. दरम्यान घटना उघडकीस आल्यानंतर भाडेकरू म्हणून राहणारे चारही परप्रांतीय फरार झाले असून, पोलिसांकडून त्यांचा शोध सुरू आहे.
दरम्यान बदलापूरमध्ये देखील काही दिवसांपूर्वी अशीच एक घटना समोर आली होती. बदलापूरमध्ये शाळेत साफ-सफाईचं काम करणाऱ्या व्यक्तीनं चिमुकलीवर बलात्कार केला होता. त्यानंतर प्रकरण चांगलंच तापलं. बदलापूरकर रस्त्यावर उतरले, रेलरोखो देखील करण्यात आला. या घटनेला आठवडा उलटत नाही तोच आता पालघरमधून ही धक्कादायक घटना समोर आली आहे. जव्हारमध्ये एका पाच वर्षीय चिमुकलीवर बलत्कार करण्यात आला आहे. पोलिसांनी आरोपीविरोधात गुन्हा दाखल केला असून, फरार आरोपीचा शोध सुरू असल्याची माहिती दिली. या घटनेमुळे जिल्ह्यात संताप व्यक्त केला जात आहे.