पोलीस स्थापना दिनानिमित्त ठाणे पोलिसांची सायबर जनजागृती सायकल रॅली
पोलीस महानगर नेटवर्क
ठाणे : पोलीस स्थापना दिनाचे औचित्य साधून ठाणे पोलिसांच्या सायबर पोलीस ठाण्याच्या वतीने दिनांक ०८ जानेवारी २०२६ रोजी नागरिकांमध्ये सायबर सुरक्षेबाबत जनजागृती निर्माण करण्यासाठी सायबर जनजागृती सायकल रॅलीचे आयोजन करण्यात आले.
या सायकल रॅलीत लहान मुलांपासून ज्येष्ठ नागरिकांपर्यंत सर्व वयोगटातील नागरिकांनी उत्स्फूर्त सहभाग नोंदवत सायबर सुरक्षिततेचा संदेश दिला. सोशल मिडिया, ऑनलाईन व्यवहार, सायबर फसवणूक, बनावट लिंक व कॉलपासून सावध राहण्याबाबत यावेळी नागरिकांना मार्गदर्शन करण्यात आले.
सायबर गुन्ह्यांपासून स्वतःला व समाजाला सुरक्षित ठेवण्यासाठी प्रत्येक नागरिकाने सजग राहावे, ऑनलाईन व्यवहार करताना काळजी घ्यावी आणि संशयास्पद बाबींची तात्काळ तक्रार करावी, असे आवाहन ठाणे पोलिसांकडून करण्यात आले.