शॉर्टसर्किटमुळे वसंत विला इमारतीला आग; मोठी दुर्घटना टळली
रवि निषाद / मुंबई
मुंबई – पार्कसाईट पोलिस स्टेशनच्या मार्शल-०३ टॅबवर सायंकाळी ७:०७ वाजता अमृतनगर सर्कल येथील वसंत विला इमारतीत आग लागल्याची माहिती प्राप्त झाली. तात्काळ मदतीची गरज असल्याचे कॉलमध्ये सांगण्यात आले.
मिळालेल्या माहितीनुसार, मार्शल-०३, मोबाईल-०३ व बीट मार्शल-०३ तत्काळ घटनास्थळी दाखल झाले. वसंत विला बिल्डिंगच्या ‘सी’ विंगमधील रूम नं. ४७ (तिसरा मजला) येथे शॉर्टसर्किटमुळे आग लागल्याची माहिती घरमालक अशोक परब (वय ६०) व सोसायटीतील सदस्यांनी डे. पी. आय. सानप यांना दिली.
मार्शल-०३ मार्फत ही माहिती कंट्रोल रूमला देण्यात येताच विक्रोळी अग्निशमन दलाच्या सहा गाड्या घटनास्थळी दाखल झाल्या. अग्निशमन दलाचे ASO आव्हाड साहेब व त्यांच्या सहकाऱ्यांनी अथक प्रयत्न करून आग नियंत्रणात आणली.
या आगीत घरातील साहित्याचे मोठ्या प्रमाणावर नुकसान झाले असले तरी सुदैवाने कोणतीही जीवितहानी झाली नाही.
घटनास्थळी ड्युटी ऑफिसर पीएसआय वाघ, डे. पी. आय. सानप, तसेच मोबाईल १, २, ३, मार्शल-०३ व झोन-७ स्ट्रायकिंग फोर्सचे एकूण १२ जवान उपस्थित होते. आग पूर्णपणे विझवण्यात आल्याची माहिती वरिष्ठ पोलीस निरीक्षक संतोष घाटेकर यांनी दिली.