वर्तक नगर पोलिसांची लोकाभिमुख कामगिरी! ₹३० लाख किंमतीचे १०० हरवलेले मोबाईल शोधण्यात यश
पोलीस महानगर नेटवर्क
ठाणे : वर्तक नगर पोलीस ठाण्याच्या कार्यतत्पर पथकाने हरवलेले मोबाईल शोधण्याच्या मोहिमेत उल्लेखनीय यश मिळवले आहे. केंद्र शासनाच्या CEIR (Central Equipment Identity Register) पोर्टलचा प्रभावी वापर करून पोलिसांनी तब्बल ₹३० लाख किंमतीचे १०० हरवलेले मोबाईल फोन शोधून काढले आहेत.
या पैकी ७० मोबाईल फोन आधीच संबंधित नागरिकांना परत करण्यात आले होते, तर आज आयोजित विशेष कार्यक्रमात उर्वरित ३० मोबाईल फोनही त्यांच्या मालकांना सुपूर्द करण्यात आले.
सतत नागरिकांच्या सेवेसाठी तत्पर राहून तंत्रज्ञानाचा योग्य वापर करणाऱ्या वर्तक नगर पोलीस ठाण्याच्या या लोकाभिमुख उपक्रमाचे सर्वत्र कौतुक होत आहे. या उपक्रमामुळे अनेक नागरिकांना दिलासा मिळाला असून, पोलिसांबद्दलचा विश्वास अधिक दृढ झाला आहे.