संतापजनक! गटशिक्षणाधिकाऱ्याचे अल्पवयीन मुलीवर लैंगिक अत्याचार; पोक्सो अंतर्गत गुन्हा दाखल
पोलीस महानगर नेटवर्क
बीड – बीड जिल्ह्यातील केज तालुक्यात गटशिक्षणाधिकारी लक्ष्मण बेडसकर या अधिकाऱ्याने अल्पवयीन मुलीवर लैंगिक अत्याचार केल्याचा धक्कादायक प्रकार उघडकीस आला आहे. या प्रकरणामुळे जिल्ह्यात प्रचंड संतापाची लाट पसरली आहे.
तक्रारीनुसार, आरोपी अधिकाऱ्याने आपल्या गाडीत अल्पवयीन मुलीसोबत गैरवर्तन केले. घटनेची माहिती मिळताच काही युवकांनी गाडीचा पाठलाग करून मुलीची सुटका केली. मात्र आरोपी मोबाईल व गाडी सोडून पसार झाला.
पीडित मुलगी आणि तिच्यासोबत असलेल्या महिलेने पोलिस अधीक्षक कार्यालयात धाव घेतल्यावर पोलिसांनी तक्रारीची नोंद केली. याप्रकरणी प्रभारी गटशिक्षणाधिकारी बेडसकर याच्याविरुद्ध गु. र. नं. ५०९/२०२५ भा. दं. सं. कलम ७४, ७५(१)(२), ३५१(२) तसेच पोक्सो कायद्यांतर्गत कलम ८ आणि १० नुसार गुन्हा दाखल करण्यात आला आहे.
सध्या आरोपी फरार असून पोलिसांकडून त्याचा शोध सुरू आहे. या प्रकरणाचा तपास पोलीस निरीक्षक स्वप्नील उनवणे यांच्या मार्गदर्शनाखाली पिंक पथकाचे पोलीस उपनिरीक्षक प्रकाश शेळके करत आहेत. शिक्षणक्षेत्राला काळिमा फासणारी ही घटना असल्याने जिल्ह्यात संताप व्यक्त होत असून आरोपीला कठोर शिक्षा करण्याची मागणी होत आहे.