मेफोड्रोन (एम.डी.)” हा अंमली पदार्थ बाळगणाऱ्या सराईत इराणी आरोपीकडून केला हस्तगत, खडकपाडा पोलिसांची कारवाई
पोलीस महानगर नेटवर्क
कल्याण – परिमंडळ – ३ चे पोलीस उपायुक्त अतुल झेंडे यांच्या पथकाने तसेच खडकपाडा पोलिसांच्या संयुक्त विद्यमाने मेफोड्रोन (एम.डी.)” हा अंमली पदार्थ बाळगणाऱ्या सराईत इराणी आरोपीला ताब्यात घेऊन कारवाई करण्यात आली. याप्रकरणी खडकपाडा पोलीस स्टेशन गु.र.नं. ३२१/२०२५, अंमली पदार्थ विरोधी कायदा १९८५ चे कलम ८ (क), २० (ब) प्रमाणे गुन्हा दाखल करण्यात आला आहे.
याबाबत मिळालेल्या माहितीनुसार, पोलीस उप आयुक्त, परि. ०३, कल्याण यांच्या विशेष कारवाईच्या पथकाचे अधिकारी व अंमलदार तसेब खडकपाडा पोलीस ठाणेतील पोलीस निरीक्षक गुन्हे व गुन्हे प्रकटीकरण पथकाचे अंमलदार यांनी खडकपाडा पोलीस ठाणे अंतर्गत अटाळी परिसरात बेकायदेशीर अंमली पदार्थ विक्री करणारे पेडलर व अभिलेखावरील पाहिजे व फरार आरोपींचा शोध घेवून त्यांच्यावर प्रतिबंधात्मक कारवाई करण्या करीता खाजगी वाहनांवरून प्रतिबंध गस्त घालत असताना ताब्यात घेऊन कारवाई करण्यात आली.
सदरच्या पथकाने दि. १६/०४/२०२५ रोजी बंदरपाडा कडून शिवमंदिरकडे जाणाऱ्या कच्या गावठाण रोडवर, बंदरपाडा, कल्याण प. जि. ठाणे या ठिकाणी आले असत्ता सदर ठिकाणी पोलीस पथकास रोडच्या कडेला उभ्या असलेल्या एका काळया रंगाची सुझुकी कंपनीची ऍक्सेस स्कुटी क्रमांक एम.एच. ०४ के.जे. ८८६४ स्कुटीवरील इसमाच्या हालचाली संशयीत वाटल्या. तेंव्हा पोलीस पथकाने त्याचा पंचासमक्ष अंगझडती पंचनामा करण्यात आला असता त्याचे ताब्यातुन १) १५ ग्रॅम वजनाचा मेफेड्रॉन (एम. डी.), अंमली पदार्थ. अं.कि.रु. ३०,०००/- हा अंमली पदार्थ हस्तगत करण्यात आल्या असुन सदर इसम हाशमी जाफर हुसैन जाफरी, वय ३३ वर्षे, रा. ठि. ५४, जाणु पाटील चाळ, इराणी नगर, आबिवली रेल्वे स्टेशन जवळ, अटाळी, ता. कल्याण, जि. ठाणे यास खडकपाडा पोलीस ठाणे येथे अटक करण्यात आली असुन पुढील तपास चालु आहे.
अटक अरोपीवर अनेक गुन्हे दाखल असून त्यापैकी १) गु र क ७१२/१४ कलम ३९४,३४ भादवी, २) गु र क ६८१/१५ कलम ३०७,३५३,३४ भादवी, ३) गुर क २१/२०१६ कलम ३९४,३४ भादवी सह कलम ०३ मोक्का, महात्मा फुले चौक पोलीस ठाणे व मानपाडा पोलीस ठाणे
सदरची कामगिरी अतुल झेंडे, पोलीस उप-आयुक्त परिमंडळ ०३, कल्याण, कल्याणजी घेटे, सहायक पोलीस आयुक्त, कल्याण विभाग, तसेच डॉ. अमरनाथ वाघमोडे, वरिष्ठ पोलीस निरीक्षक खडकपाडा पोलीस ठाणे यांच्या मार्गदर्शनाखाली पोलीस निरीक्षक विजय नाईक, महात्मा फुले पोलीस ठाणे, कल्याण प. स.पो.नि. अनिल गायकवाड, स.पो.उपनिरी. जितेंद्र ठोके, पो.शि. २३२३ अमित शिंदे, पो.शि. २८८९ खुशाल नेरकर, पो.शि. ७६५३ राहुल शिंदे मा. पोलीस उप आयुक्त साो. परि. ०३, कल्याण विशेष कारवाई पथक, तसेच खडकपाडा पो. ठाणेचे गुन्हे प्रकटीकरण पथकाचे अधिकारी स.पो.नि. विजय गायकवाड, अंमलदार पो. शि.क्र. ८३८१ अनंत देसले, पो.शि.क्र. ८०५३ सतिष मुपडे यांनी केली आहे.