धक्कादायक ! नाशिकच्या जिल्हा रुग्णलयातील अतिदक्षता कक्षाला आग, सतर्कतेनं ६६ नवजात शिशु सुखरुप
योगेश पांडे / वार्ताहर
नाशिक – नाशिक जिल्हा रुग्णालयातील अतिदक्षता नवजात शिशू कक्षात शॉर्ट सर्किटमुळं आग लागल्याची घटना घडली आहे. छोट्या बाळांना सुरक्षित ठिकाणी हलवण्यासाठी रुग्णालय प्रशासनाकडून प्रयत्न करण्यात आले. कक्षात ६६ नवजात बालक होते, त्यांना सुरक्षित ठिकाणी हलवण्याच्या दृष्टीनं पावलं टाकण्यात आली.शॉर्ट सर्किट झाल्यानंतर त्वरित सर्व बालकांना दुसऱ्या कक्षात हलवण्यात आलं.सुदैवाने कोणतीही अनुचित घटना घडली नाही. शॉर्ट सर्किट झाल्याचे लक्षात आल्यानंतर सर्व परिचरिकांनी लगेच बालकांना सुरक्षित दुसऱ्या कक्षात हलवले. शॉर्ट सर्किटनं आग लागल्यानं मातांची धावपळ झाल्याचं पाहायला मिळालं. ६६ नवाजत शिशूंना शेजारच्या वॉर्डमध्ये नेण्यात आलं आहे. शॉर्ट सर्किट कशामुळं घडलं याचं कारण समोर आलं नाही.नाशिक जिल्हा रुग्णालयातील दुसऱ्या कक्षात ठेवत त्या बाळांवर उपचार करण्यात येत आहे. या ठिकाणी नातेवाईकांची गर्दी झाल्याचं पाहायला मिळालं.