पुणे हादरलं! धावत्या बसमध्ये महिलेसोबत भयानक प्रकार; आरोपीला पोलिसांनी केलं जेरबंद
योगेश पांडे / वार्ताहर
पुणे – बिएमडब्लूमधून आलेल्या एका मद्यधुंद तरुणानं रस्त्यावरून ये- जा करणाऱ्या महिलांसमोरच अश्लिल कृत्य केलं. शहरातील येरवडा परिसरातील ही घटना घडली.
दरम्यान ही घटना ताजी असतानाच आता आणखी एक संतापजनक घटना समोर आली आहे. सातारा ते कात्रज बसमध्ये प्रवासादरम्यान हा धक्कादायक प्रकार घडला आहे. एका महिलेच्या शेजारच्या सीटवर बसून एक ४५ वर्षीय व्यक्ती अश्लील चाळे करत असल्याचा व्हिडीओ समोर आला आहे. समोर आलेल्या माहितीनुसार ही घटना ५ मार्चला घडल्याचं सांगण्यात येत आहे. महिलेच्या तक्रारीनंतर पोलिसांनी तब्बल ७० ते ८० सीसीटीव्ही कॅमेऱ्यांचं फुटेज तपासून आरोपीच्या मुसक्या आवळल्या आहेत. कमलेश प्रल्हाद शिरसाठ असं या प्रकरणातील आरोपीचं नाव आहे. घटनेच्या अवघ्या ४८ तासांमध्ये पोलिसांनी आरोपीला अटक केलं आहे.