धक्कादायक ! उल्हासनगरमध्ये ५ वर्षीय चिमुकलीवर शेजारच्या नराधम बाप – लेकाचा अत्याचार
पोलीस महानगर नेटवर्क
उल्हासनगर – राज्यात दिवसेंदिवस मुली व महिलांवर अत्याचार वाढत आहेत. नराधमांना कायद्याचा धाक अजिबात उरलेला दिसून येत नाही. उल्हासनगर मधील मध्यवर्ती पोलीस स्टेशनच्या हद्दीत एक धक्कादायक घटना घडली आहे. यात शेजारी राहणाऱ्या बाप लेकाने एका पाच वर्षाच्या मुलीवर लैगिक अत्याचार केल्याची धक्कादायक घटना उघडकीस आली आहे. अल्पवयीन मुलीच्या शेजारी राहणारे नराधम हे दोघे बाप लेक असल्याची माहिती पुढे आली आहे. तर या पीडित मुलीवर वेळ बदलून लैगिंक अत्याचार करत असल्याची माहिती समोर आली आहे. मुलीचे आई वडील कामावर गेल्यावर हे नराधम याचा फायदा घेत मुलीवर अत्याचार करत असल्याची बाब समोर आल्याने परिसरात एकच खळबळ उडाली आहे
पोलिसांनी दिलेल्या माहितीनुसार, पीडित मुलगी बाथरूमला गेल्यावर तिला त्रास होत होता. दरम्यान या त्रासाबाबत तीने आईला सांगितल्यानंतर हा धक्कादायक प्रकार समोर आला आहे. या घटनेत १२ वर्षांचा आरोपी असून दुसरा आरोपी त्याचा बाप सुनील नंदू पाटोळे आहे. या दोघांवर उल्हासनगर मध्यवर्ती पोलिसांनी गुन्हा दाखल करत आरोपीला अटक केली आहे. मात्र या संपूर्ण प्रकरणामुळे परिसरात संतापाची लाट पसरली असून आरोपींना फाशी देण्याची मागणी होत आहे.