महायुती सरकारचा शपथविधी; मंत्रिमंडळात ‘या’ २७ चेहऱ्यांना मिळणार संधी?
योगेश पांडे/वार्ताहर
मुंबई – विधानसभा निवडणुकीत महायुतीने जबरदस्त कामगिरी करत सर्वांना आश्चर्याचा धक्का दिलाय. महायुतीने २८८ विधानसभा मतदारसंघात २३० ठिकाणी विजयाचा झेंडा फडकवलाय. यात भाजप १३२, शिवसेना (एकनाथ शिंदे) ५७ आणि राष्ट्रवादीला ४१ (अजित पवार) जागांवर यश मिळालंय. ही आकडेवारी पाहात भाजप महायुतीत मोठा भाऊ ठरला आहे. आता महायुतीकडून सत्तास्थापनेची तयारी सुरु असून मंत्रिमंडळाचा फॉर्म्युला आणि मंत्रिमंडळातील मंत्र्यांची नावं यावर निर्णय झाल्याचे समोर आले आहे.
मिळालेल्या माहितीनुसार ६ -७ आमदारांमागे एक मंत्रिपद देण्याची शक्यता वर्तविण्यात आली आहे. त्यानुसार भाजपला सर्वाधिक २२-२४, शिवसेनेला १०-१२ आणि राष्ट्रवादीला ८-१० मंत्रिपदांची शक्यता सांगण्यात येतं आहे. त्यासोबत महायुतीच्या मंत्रिमंडळात कोणाची वर्णी लागली यावरही निर्णय झालाच समजतं. बघूयात महायुतीतील मंत्रिमंडळातील संभाव्य मंत्र्यांची यादी खालील प्रमाणे आहे.
भाजपमधून यांची मंत्रिमंडळात देवेंद्र फडणवीस, गिरीष महाजन, सुधीर मुनगंटीवार, चंद्रशेखर बावनकुळे, मंगलप्रभात लोढा, सुरेश खाडे, प्रवीण दरेकर, पंकजा मुंडे, राहुल कुल, नितेश राणे, चित्रा वाघ, प्रसाद लाड, किसन कथोरे.
शिंदेंचे संभाव्य मंत्री एकनाथ शिंदे, भरत गोगावले, संजय शिरसाट, प्रताप सरनाईक, संजय राठोड, गुलाबराव पाटील, दादा भुसे आणि राष्ट्रवादीचे संभाव्य मंत्री अजित पवार, धननंज मुंडे, दिलीप वळसे पाटील, आदिती तटकरे, छगन भुजबळ, धर्मरावबाबा अत्राम आणि अनिल पाटील.
दरम्यान सोमवारी २५ नोव्हेंबरला होणाऱ्या शपथविधीमध्ये कोण कोण मंत्री शपथ घेणार हे पाहणे औत्सुक्याचे राहणार आहे.