जादा व्याजाचे आमिष दाखवून २ कोटींची फसवणूक; वरद प्रॉपर्टीजचे संचालक महेश कुंटे यांच्यावर गुन्हा दाखल
पोलीस महानगर नेटवर्क
पुणे – पुण्यात दिवसेंदिवस फसवणूकीचे प्रमाण वाढत चालले आहे.अशीच एक घटना घडली आहे. कंपनीमध्ये गुंतवणुक केल्यास अधिक परतावा मिळेल असे आमिष दाखवून १ कोटी ९५ लाख ५२ हजार रुपयांची फसवणूक केल्याप्रकरणी सिंहगड रोड पोलिसांनी वरद प्रॉपटीज सोल्युशन कंपनीच्या संचालकावर गुन्हा दाखल केला आहे. महेश विजय कुंटे, (वय ५१) व अपर्णा महेश कुंटे (वय ४८, दोघे रा. कृष्णा रेसिडेन्सी, हॉटेल वाडेश्वर मागे, लॉ कॉलेज रोड) अशी गुन्हा दाखल झालेल्या संचालकांची नावे आहेत. याबाबत सदाशिव बाळकृष्ण कुलकर्णी (वय ६४, रा. सन सॅटेलाईट, सनसिटी रोड, वडगाव) यांनी सिंहगड रोड पोलिसांकडे फिर्याद दिली आहे. हा प्रकार वरद प्रॉपर्टीज सोल्युशन प्रा. लि. च्या नवले आयटी झोन येथे २०१९ ते २०२४ दरम्यान घडला आहे.
पोलिसांनी दिलेल्या माहितीनुसार, वरद प्रॉपर्टीज सोल्युशनचे संचालक महेश कुंटे याने फिर्यादी यांना २०१९ मध्ये अधिक परताव्याचे आमिष दाखविले. त्यामुळे फिर्यादी यांनी आतापर्यंत १ कोटी ७६ लाख रुपयांची गुंतवणुक त्यांच्याकडे केली. या गुंतवणुकीवर १९ लाख ५२ हजार रुपये देण्याचे वचनपत्रान्वये कबुल केले होते. असे असतानाही कोणताही परतावा न देता त्यांची १ कोटी ९५ लाख ५२ हजार रुपयांची फसवणूक केली आहे. अर्थिक गुन्हे शाखेचे वरिष्ठ पोलीस निरीक्षक मगर तपास करीत आहेत.