पुण्यात सुरक्षा भिंत कोसळून एकाचा मृत्यू, तिघे जखमी
योगेश पांडे / वार्ताहर
पुणे – शिरूर रालुक्यातील कोरेगाव भिमा येथील डिंग्रजवाडी असलेल्या आय टी डब्ल्यु कंपनी जवळील पार्किंगभिंत कोसळल्याने एकाचा जागेवर मृत्यू झाला, तर तीन जण गंभीर जखमी झाल्याची घटना समोर आली आहे. यात चारचाकी व दुचाकी गाड्यांचे मोठ्या प्रमाणावर नुकसान झाले असल्याची माहिती प्रत्यक्षदर्शींनी दिली आहे. राजीव कुमार असे मृत झालेल्या व्यक्तीचे नाव असून मंजित कुमार गंभीर जखमी असून बेशुद्ध आहे. तर बंडू विधाटे, विजय गायकवाड, सतीश कानगुडे अशी जखमी झालेल्या व्यक्तीची नावे आहेत.
याबाबत अधिक माहिती अशी की, शिरूर तालुकायत डिंग्रजवाडी येथे असलेल्या आय टी डब्ल्यु कंपनी जवळ बुधवारी सकाळी ८ वाजून ४६ मिनिटांच्या सुमारास कंपनीची भिंत कोसळली. कंपनीची भिंत पडल्याने कामासाठी आलेले कामगार भिंतीखाली दबले गेले. यात एका कामगाराचा जागीच मृत्यू झाला, तर एक गंभीर जखमी झाला. तसेच, इतर तीन जण जखमी झाले आहेत. त्यातील दोघांची प्रकृती गंभीर असल्याची माहिती आहे. या दुर्घटनेत ९ दुचाकी गाड्या तर दोन सायकली आणि दोन चारचाकी गाड्यांचे मोठे नुकसान झाले. या घटनेचा पंचनामा पोलिसांकडून केला जात आहे. या घटनेचं सीसीटीव्ही फुटेजही समोर आलं असून त्यात भिंत कोसळल्याचं पाहायला मिळत आहे. या घटनेत मृत झालेला कामगार आणि जखमी झालेले कामगार परप्रांतीय असल्याची माहिती समोर येत आहे.