नाशकात शाळकरी मुलीने दिला मुलीला जन्म; नातेवाईक आरोपीविरुद्ध गुन्हा दाखल
पोलीस महानगर नेटवर्क
नाशिक – अल्पवयीन मुलीच्या अज्ञानाचा गैरफायदा घेत संशयिताने बलात्कार केला. यामुळे गर्भवती झालेल्या मुलीने नवजात बाळाला जन्म दिला आहे. याप्रकरणी २० वर्षीय संशयितांविरुद्ध पोस्कोन्वये बलात्काराचा गुन्हा दाखल करण्यात आला आहे.
याबाबत पोलिसांनी दिलेली माहिती अशी की, फिर्यादी महिलेची पिडीत मुलगी ही १६ वर्षांची असून ती अल्पवयीन आहे. दरम्यान आरोपी रोहित गणपत कडाळे (वय २०, रा. शिवाजीवाडी, वडाळा-पाथर्डीरोड) याने या मुलीशी ४ वर्षांपूर्वी ओळख निर्माण करुन तिच्याशी मैत्री केली. त्यानंतर कडाळे याने फेब्रुवारी २०२३ ते २९ मार्च २०२४ या कालावधीत पिडीत मुलीच्या अज्ञानाचा फायदा घेऊन रविवार कारंजा येथून स्वत:च्या मोटारसायकलीने पांडवलेणे येथे वेळोवेळी घेऊन जाऊन तेथे असलेल्या तितली गार्डनमध्ये तिच्यासोबत वारंवार लैंगिक अत्याचार केले. यातून ही मुलगी गर्भवती झाली व तिने एका स्त्री जातीच्या बाळाला जन्म दिला. ही बाब लक्षात आल्यानंतर पिडीत मुलीच्या आईने प्रथम मुंबई नाका पोलीस ठाण्यात संशयित आरोपी रोहित कडाळे याच्याविरुद्ध बलात्काराची फिर्याद दिली असून, हा गुन्हा नंतर इंदिरानगर पोलीस ठाण्यात वर्ग करण्यात आला आहे.