लाच स्वीकारुन पळणारी महिला पाेलीस लाचलुचपत प्रतिबंधक विभागाच्या जाळ्यात
पोलीस महानगर नेटवर्क
पिंपरी – पिंपरी परिसरातून एक धक्कादायक बातमी समोर येत आहे. दुधाची विक्री रात्री उशिरापर्यंत सुरू ठेवल्यामुळे दाखल झालेला खटला न्यायालयात न पाठविण्यासाठी आणि दंड न भरण्यासाठी एक हजार रूपयांची लाच घेताना महिला पाेलीस शिपाईला लाचलुचपत प्रतिबंधक विभागाने सापळा रचून रंगेहाथ पकडले. लाचेची रक्कम घेऊन पळून जात असताना पिंपरी न्यायालयासमोरील रस्त्यावर ही कारवाई करण्यात आली. रेश्मा बाळू नाईकरे (वय ३२) असे लाच स्वीकारणा-या महिला पोलीस शिपाईचे नाव आहे. नाईकरे या भाेसरी पाेलीस ठाण्यात कार्यरत आहेत. याप्रकरणी ३५ वर्षीय व्यक्तीने लाचलुचपत विभागाकडे तक्रार केली हाेती.
पोलिसांनी दिलेल्या माहितीनुसार, तक्रारदार यांची दुध डेअरी आहे. ही डेअरी रात्री उशिरापर्यंत सुरू हाेती. यामुळे तक्रारदार यांच्यावर भाेसरी पाेलीस ठाण्यात खटला दाखल झाला आहे. तो खटला न्यायालयात न पाठवता आणि कोणताही दंड न भरण्यासाठी पाेलीस शिपाई नाईकरे यांनी तक्रारदार यांच्याकडे दाेन हजार रूपयांची मागणी केली हाेती. याबाबत डेअरी चालकाने ४ एप्रिलला लाचलुचपत प्रतिबंधक विभागाकडे तक्रार केली. नाईकरे यांनी भाेसरी पाेलीस ठाण्याच्या परिसरात तडजाेडीअंती एक हजार रूपयांची लाच स्वीकारली. लाचेची रक्कम घेऊन पळून जात असनाताच पिंपरी न्यायालयाच्या बाहेरील रस्त्यावर लाचलुचपत प्रतिबंधक विभागाने त्यांना पकडले. पाेलीस शिपाई नाईकरे यांच्यावर गुन्हा दाखल करण्यात आला असून पोलीस तपास सुरू आहे.