लहान मुलांना बतावणी करून त्यांचे मोबाइल फोन चोरी करणाऱ्या आरोपीस चेंबूर पोलिसांकडून अटक
रवि निषाद/प्रतिनिधि
मुंबई – चेंबूर पोलीस ठाण्याच्या हद्दीत सक्रीय असलेल्या एका अट्टल गुन्हेगाराला पोलिसांनी अटक केली आहे. अटक केलेल्या आरोपीचे नाव अलीराज मोईन हसन सैय्यद (३०) असे सांगण्यात येत आहे.असे परिमंडळ- ६ चे पोलिस उपायुक्त नवनाथ ढवळे यानी केली आहे.
पोलिसांकडून मिळालेल्या माहितिनुसार, २१ डिसेंबर रोजी एका अल्पवयीन मुलाचा मोबाइल अटक करण्यात आलेल्या आरोपी अलीराज मोईन हसन सैय्यद हा जबरी चोरी करुन फरार झाला होता. पीडित अल्पवयीन मुलांच्या तक्रारीवरुन चेंबूर पोलिसांनी गु.र.क्र.५५५/२०२४ कलम ३१८ (४) भा.न्या.स.असा दाखल करून तपास शुरू केला. या घटनेबाबत पोलिसांना माहिती मिळाली की, अलीराज सैय्यद याने चोरी केलेली असून यातील फिर्यादी यांचा मुलगा राज (१६) वर्ष व त्याचे मित्र मयंक आणि ओमकार यांचेसह क्लासवरून घरी परत येत असताना एका अनोळखी इसमाने तिघांना अडवून त्याच्या भावाचा आयफोन आणि वॉलेट चोरी झाले असून ते तुम्ही घेतले आहे का ? असे म्हणून बोलण्यात गुंतवून फिर्यादी यांचा मुलगा राज याची सोन्याची अंगठी आणि त्याचा मित्र मयंक याचा रेडमी कंपनीचा मोबाइल फोन बतावणी करून काढून घेतला म्हणून फिर्यादी यांनी दिलेले फिर्यादी वरून गुन्हा नोंद करण्यात आला होता. सदरचा गुन्हा दाखल झाल्यानंतर गुन्हे प्रकटीकरण अधिकारी पोउपनि माळवे व पथक यांनी घटनास्थळाच्या आजूबाजूचे सीसीटीव्ही फुटेज पाहिले असता, फिर्यादी यांचा मुलगा राज व त्याचे मित्र यांचेसह एक संशयित इसम दिसून आला. सदर संशयित इसमाचा सीसीटीव्ही फुटेज व गुप्त बातमीदार यांचे मदतीने शोध घेतला असता सदर इसम हा शिवाजीनगर येथे राहावयास असल्याची माहिती मिळाली होती.दि.२५ डिसेंबर, रोजी गुन्हे प्रकटीकरण पथकासह शिवाजीनगर येथे जाऊन सदर आरोपीचा शोध घेतला असता तो रोड नंबर १२, शिवाजीनगर येथे मिळून आला, त्यांचेकडे अधिक चौकशी केली असता त्याचा गुन्ह्यातील सहभाग निष्पन्न झाल्याने त्यास पोलीस ठाण्यात आणून अटक करण्यात आली. सदर गुन्ह्यातील बतावणी करून फसवणूक करून नेलेली मालमत्ता हस्तगत केली आहे.या प्रकणाराचे तपास अधिकारी पोउपनि गिरीषमाळवे, पो.ह.क्र.परदेशी, चव्हाण, तांगडे, तावरे आणि सूर्यवंशी यानी केली आहे.