धक्कादायक ! कल्याणमध्ये पत्नीच्या पाठी १५ लाखांचा तगादा, मग बॉससोबत शारीरिक संबंध ठेवण्याची सक्ती, नंतर तलाक…तलाक…तलाक
पोलीस महानगर नेटवर्क
कल्याण – कल्याणमध्ये भाषिक वादावरून हाणामारी चालू असतानाच एक विचित्र घटना घडली आहे. पतीने आपल्या पत्नीला तीन तलाक दिल्याची धक्कादायक घटना समोर आली आहे. पहिल्या पत्नीला देण्यासाठी १५ लाख माहेरून आणण्यासाठी तगादा लावत २८ वर्षीय पत्नीला सॉफ्टवेअर इंजिनिअर पतीने मारहाण, शिवीगाळ तीन तलाक करत दिला आहे. या प्रकरणी कल्याण बाजारपेठ पोलीस ठाण्यात सॉफ्टवेअर इंजिनिअर पतीवर गुन्हा दाखल करण्यात आला आहे. पती फरार असून त्याचा शोध पोलीस घेत आहेत.
कल्याण पश्चिमम परिसरात एक २८ वर्षीय विवाहित मुस्लिम महिलेला तिच्या सॉफ्टवेअर इंजिनिअर पतीकडून १५ लाख रुपये माहेरून आणण्यासाठी दबाव टाकण्यात आला. त्यानंतर पतीने तिला बॉससोबत शारीरिक संबंध ठेवण्याची सक्ती केली. पत्नीने नकार दिल्यानंतर पतीने मारहाण करत तीन तलाक दिला आणि तिला घराबाहेर काढले.
याबाबत अधिक माहिती अशी की, कल्याण पश्चिम येथील सर्वोदय सृष्टीमध्ये राहणाऱ्या २८ वर्षीय विवाहितेने बाजारपेठ पोलीस ठाण्यात आपल्या पतीविरोधात तक्रार दाखल केली आहे. फिर्यादीच्या म्हणण्यानुसार, पती सोहेल हनिफउद्दीन शेख (४५) याने पहिल्या पत्नीला १५ लाख रुपये द्यायचे असल्याने माहेरून पैसे आणण्यासाठी वारंवार दबाव टाकला. पतीने पत्नीला ५ डिसेंबरला बॉससोबत संबंध ठेवण्याची सक्ती केली. त्यावर पत्नीने नकार दिल्यानंतर पतीने तिला शिवीगाळ करून मारहाण केली. तो एवढ्यावरच थांबला नाही तर त्याने पत्नीला तीन वेळा तलाक बोलून घराबाहेर हाकलून दिले. या प्रकरणी बाजारपेठ पोलिसांनी भारतीय दंड संहिता आणि मुस्लिम महिला (विवाह संरक्षण) कायदा २०१९ अंतर्गत गुन्हा दाखल केला आहे. याबाबत अधिक तपास पोलीस उपनिरीक्षक रमेश हरिपंत गाडवे करीत आहेत.