मुंबईत टॉवरच्या सहाव्या मजल्यावर भीषण आग; एकाचा मृत्यू, ३ जखमी
योगेश पांडे / वार्ताहर
मुंबई – मुंबईतील बोरिवली पूर्व येथील पश्चिम द्रुतगती महामार्गावरील मागाठाणे मेट्रो स्टेशनजवळील कनकिया समर्पण टॉवरच्या सहाव्या मजल्यावर अचानक भीषण आग लागली.आगीची माहिती मिळताच अग्निशमन दलाचे अधिकारी तातडीने इमारतीत पोहोचले आणि आग विझवण्याचे काम केले. आगीची घटना साडेचारच्या सुमारास घडली. आग कशामुळे लागली याबाबत माहिती मिळू शकली नाही.फ्लॅटमध्ये लागलेल्या आगीत ३ जण जखमी आणि एकाचा मृत्यू झाला आहे. जखमींना जवळच्या एपेक्स रुग्णालयात दाखल करण्यात आले आहे.दरम्यान, अग्निशमन दलाने वेळीच आग विझवल्याने मोठी दुर्घटना टळली आहे. या आगीत मोठ्या प्रमाणात नुकसान झाल्याची माहिती समजत आहे.