नाशिकमधील डॉक्टरच्या खुनाची सुपारी देणाऱ्या महिलेस ठाणे खंडणी विरेाधी पथकाने केले जेरबंद
प्रकाश संकपाळ
ठाणे – नाशिकमधील डाॅ.किरण बेंडाळे यांचेबरोबर आरोपीचे मैत्रीपुर्ण संबंध होते. त्याचा फायदा घेवुन सदर महिला ही डाॅक्टर किरण बेंडाळे यांना ब्लॅकमेल करून ५० लाख रूपये खंडणीची मागणी करीत होती. सदर रक्कम न दिल्यास त्यांना जिवे ठार मारण्याची वारंवार धमकी देत होती. डॉ किरण बेंडाळे हा आपल्याला दाद देत नाही यामुळे त्याचा काटा काढण्याची योजना आरोपीच्या मनात शिजत होती, त्यानुसार आरोपीने सुपारी देवुन खुन करण्यासाठी मारेकऱ्याचे शोध सुरू केला. त्यावेळी तिने डॉक्टर किरण बेंडाळे यांचा खुन करण्यासाठी तीन लाख रूपयाची सुपारी देवुन किरण बेंडाळे यांचा फोटो, काम करण्याचे ठिकाणाची माहिती, विषारी इंजेक्शन, सिरींज बनावट हे सर्व मारेकऱ्यास दिले.
याची गुप्त बातमीदारामार्फत माहिती मिळताच खंडणी विरोधी पथक, गुन्हे शाखा, ठाणे शहर, चे वपोनि शेखर बागडे यांनी बनावट मारेकरी म्हणून एका इसमास पाठवुन मिळालेल्या बातमीची खातरजमा केली. त्यानुसार नेहा जाधव रा. बाळकुम ठाणे हिच्या विरोधात फिर्याद घेवुन कापुरबावडी पोलीस स्टेशन येथे गुन्हा रजि नं. ८२/२०२४ भादवि कलम ११५ प्रमाणे गुन्हा नोंद करण्यात आला. सदर आरोपी महिलेचे नाव नेहा जाधव उर्फ जोत्स्ना अमोल पगारे (४७).रा. बिल्डींग नं. ६०, बी. विग. रूम नं. २०१,अशोकनगर, बाळकुम पाडा, ठाणे पश्चिम हीस दि. २१/०१/२०२४ रोजी ००:३० वा अटक करण्यात आली आहे.सदर महिलेला न्यायालयात हजर केले असता न्यायालयाने २४ जानेवारी पर्यत पोलीस कस्टडी रिमांड मंजूर केली आहे. नेहा जाधव या महिलेकडे अटकेनंतर करण्यात आलेल्या तपासात सदर महिलेचे डाॅ. किरण बेंडाळे रा. नाशिक यांचेबरोबर मैत्रीपुर्ण संबंध होते. त्याचा फायदा घेवुन सदर महिला ही डाॅक्टर किरण बेंडाळे यांना ब्लॅकमेल करून ५० लाख रूपये खंडणीची मागणी करीत होती. सदर रक्कम न दिल्यास त्यांना जिवे ठार मारण्याची वारंवार धमकी देत होती असे तपासात निष्पन्न झाले आहे.
सदरची कारवाई डाॅ. पंजाबराव उगले, अपर पोलीस आयुक्त, गुन्हे, ठाणे शहर, शिवराज पाटील, पोलीस उप आयुक्त, गुन्हे, ठाणे शहर, राजकुमार डोंगरे, सहायक पोलीस आयुक्त, शोध २, गुन्हे शाखा, ठाणे शहर यांचे मार्गदर्शनाखाली खंडणी विरोधी पथक, गुन्हे शाखा ठाणे शहरचे वपोनि शेखर बागडे, मपोनि वनिता पाटील, सपोनि सुनिल तारमळे, सपोनि श्रीकृष्ण गोरे, सपोनि भुषण कापडणीस, पोउनि विजयकुमार राठोड, सपोउनि सुभाष तावडे, पोहवा संजय राठोड, सपोउनि संजय बाबर, पोहवा सचिन शिंपी, मपोहवा शितल पावसकर, मपोशि मयुरी भोसले, पोशि अरविंद शेजवळ, चापोना भगवान हिवरे यांनी केली आहे।