१३ फेब्रुवारी रोजी दुपारी १:११ मिनिटांनी संसदेसह दिल्लीतील ९ शाळांना बॉम्बने उडवून देण्याची धमकी; मेलने उडाली खळबळ
योगेश पांडे / वार्ताहर
नवी दिल्ली – मोठी बातमी समोर येत आहे, संसदेला बॉम्बने उडवून देण्याची धमकी देण्यात आली आहे. संसदेसोबतच राजधानी दिल्लीमधील ९ शाळांमध्ये देखील बॉम्बस्फोट घडवून आणू असं या धमकीमध्ये म्हटलं आहे.सोमवारी सकाळी या संदर्भातील मेल प्राप्त झाला, या मेलमुळे मोठी खळबळ उडाली. १३ फेब्रुवारी रोजी दुपारी १.११ मिनिटांनी संसदेमध्ये मोठा स्फोट हेईल, दिल्लीला आम्ही खलिस्तान बनवू, अशा अशायाचा मजकूर असलेला मेल प्राप्त झाला. या मेलमध्ये दहशतवादी अफजल गुरु आणि पंजाबला खलिस्तान बनवण्याचा देखील उल्लेख आहे. दरम्यान हा मेल प्राप्त होताच या मेलमध्ये ज्या शाळांची नावं आहेत, त्या शाळांच्या सुरक्षेमध्ये मोठी वाढ करण्यात आली आहे.
दिल्ली फायर सर्व्हिस ने सांगितलं की, सोमवारी सकाळी दिल्लीतील वेगवेगळ्या भागात असलेल्या शाळांकडून आम्हाला इमरजेन्सी कॉल आला, त्यानंतर खबरदारी म्हणून आम्ही बॉम्ब शोधक पथक आणि डॉग स्क्वॉडसह या शांळामध्ये दाखल झालो. आतापर्यंत ९ शाळांनी बॉम्बने उडवून देण्याची धमकी मिळाली आहे, अशी माहिती आम्हाला दिली आहे, माहिती मिळताच आम्ही घटनास्थळी दाखल झालो. या शाळांमध्ये आणि शाळेच्या परिसरात तपासणी सुरू आहे, संबंधित शाळांची सुरक्षा वाढवण्यात आली आहे, असं डीएफएसने म्हटलं आहे.
अफजल गुरुच्या आठवणीमध्ये दिल्ली बनेल खलिस्तान, १:११ मिनिटांनी मोठा धमका होईल, तेरा फेब्रुवारी रोजी १:११ मिनिटांनी संसदेमध्ये मोठा स्फोट होईल. पंजाब खलिस्तान आहे. खलिस्तान नॅशनल आर्मी असा या मेलमधील मजकूर आहे. दरम्यान मेल मिळताच आम्ही तपासाला सुरुवात केली आहे, सायबर विभागाच्या मदतीने मेलच लोकेशन शोधल्या जात आहे, तसेच दिल्लीमध्ये जेवढे काही संवेदनशील भाग आहेत, तिथे सुरक्षा व्यवस्था वाढवण्यात आली आहे, अशी माहिती एका वरिष्ठ पोलीस अधिकारने दिली.
दरम्यान बॉम्ब स्फोटाच्या धमकीचा मेल मिळाल्यानंतर आता पोलीस अलर्ट मोडवर असून, दिल्लीच्या संवेनशील भागांमध्ये सुरक्षा व्यवस्था वाढवण्यात आली आहे, तसेच ज्या शाळांना धमकी मिळाली आहे, त्यांच्या सुरक्षेमध्ये देखील वाढ करण्यात आली आहे.