रस्ता सुरक्षा अभियान २०२६ अंतर्गत विद्यार्थ्यांसाठी जनजागृती सेमिनार
पोलीस महानगर नेटवर्क
विठ्ठलवाडी : रस्ता सुरक्षा अभियान २०२६ अंतर्गत विठ्ठलवाडी वाहतूक विभाग, विठ्ठलवाडी पोलीस स्टेशन, CHM कॉलेज (नेताजी चौक) आणि शांती फाउंडेशन यांच्या संयुक्त विद्यमाने सोमवार, दिनांक २० जानेवारी २०२६ रोजी सकाळी ११ वाजता इयत्ता ११वी व १२वीच्या विद्यार्थ्यांसाठी विशेष जनजागृती सेमिनारचे आयोजन करण्यात आले.
या सेमिनारमध्ये करिअर मार्गदर्शन, वाहतूक नियमांचे महत्त्व, सायबर सुरक्षा तसेच नशामुक्ती या विषयांवर सविस्तर मार्गदर्शन करण्यात आले. कार्यक्रमास शक्ती फाउंडेशनचे मूलचंदानी, मेट्रो मॉलच्या सुप्रिया कुलकर्णी, वरिष्ठ पोलीस निरीक्षक पडवळ, अॅड. हितेश जयस्वानी, पोलीस उपनिरीक्षक बाभळ वI पांढरे यांनी उपस्थित राहून विद्यार्थ्यांना मौल्यवान मार्गदर्शन केले.
पोस्टर्स, पॉवर पॉईंट प्रेझेंटेशन (PPT) आणि माहितीपूर्ण व्हिडिओच्या माध्यमातून विद्यार्थ्यांमध्ये रस्ता सुरक्षा, वाहतूक शिस्त, सायबर गुन्ह्यांपासून बचाव तसेच स्पर्धात्मक परीक्षांविषयी जागृती करण्यात आली. विद्यार्थ्यांनीही या विषयांबाबत उत्स्फूर्त प्रतिसाद देत प्रश्नोत्तर सत्रात सक्रिय सहभाग नोंदवला.
या जनजागृती सेमिनारला एकूण ८० विद्यार्थ्यांचा सहभाग लाभला. अशा उपक्रमांमुळे विद्यार्थ्यांमध्ये जबाबदार नागरिकत्त्वाची जाणीव निर्माण होण्यास मदत होत असल्याचे आयोजकांनी यावेळी सांगितले.