पनवेल हादरलं ! महिलेनं आपल्या पोटच्या मुलीला २९ व्या मजल्यावरून खाली फेकत स्वत: उडी मारुन केली आत्महत्या
योगेश पांडे / वार्ताहर
पनवेल – पनवेलमधून एक धक्कादायक घटना समोर आली आहे, या घटनेनं खळबळ उडाली आहे. एका महिलेनं आपल्या आठ वर्षांच्या मुलीला २९ वाव्या मजल्यावरून खाली फेकलं आणि त्यानंतर स्वत: देखील उडी मारली. या घटनेत दोघींचा देखील मृत्यू झाला आहे. या प्रकरणी पनवेल शहर पोलीस ठाण्यात गुन्हा दाखल करण्यात आला असून, पोलीस उपनिरीक्षक प्रियंका शिंदे या घटनेचा पुढील तपास करत आहेत. पोलसांनी दिलेल्या माहितीनुसार हा धक्कादायक प्रकार पनवेलमध्ये असलेल्या पळस्पे परिसरातील मॅरेथॉन नेक्सन ओरा बिल्डिंगमध्ये घडला आहे. मैथिली दुवा असं या महिलेचं नाव आहे. या महिलेचं मानसिक स्वस्थ ठिक नसल्याची माहिती देखील समोर आली आहे. त्यातच तीनं आपल्या आठ वर्षांच्या मुलीला २९ व्या मजल्यावरून बेडरूमच्या खिडकीतून खाली फेकलं. त्यानंतर तीने देखील उडी मारली. या घटनेत दोघींचाही मृत्यू झाला आहे. या घटनेनं परिसरात हळहळ व्यक्त करण्यात येत असून, घटनेबाबत अधिक तपास सुरू असल्याची माहिती पोलिसांकडून देण्यात आली आहे. दरम्यान आत्महत्येचं कारण अद्याप अस्पष्ट आहे. मात्र ही महिला मानसिक दृष्या आजारी असल्यानं तीनं टोकाचं पाऊल उचललं असावं असा प्राथमिक अंदाज व्यक्त करण्यात येत आहे.
ही घटना पनवेलमधील पळस्पे परिसरातील मॅरेथॉन नेक्सन ओरा बिल्डिंगमध्ये घडली आहे. या बिल्डिंगमध्ये आशिष दुवा वय ४१ हे आपल्या कुटुंबासोबत राहातात. त्यांची पत्नी मैथिली दुवा यांनी २९ व्या मजल्यावरून उडी मारत आपलं आयुष्य संपवलं आहे. मात्र त्यापूर्वी त्यांनी आपल्या आठ वर्षांच्या मुलीला बेडरूमच्या खिडकीतून खाली फेकलं, या घटनेत तिचा देखील मृत्यू झाला आहे. त्या मानसिक दृष्या आजारी होत्या अशी माहिती समोर येत आहे. यातूनच त्यांनी टोकाचं पाऊल उचललं, असावं असा प्राथमिक अंदाज व्यक्त केला जात आहे. या घटनेनं सर्वत्र खळबळ उडाली आहे. आईचा आणि मुलीचा एकाचवेळी मृत्यू झाल्यानं हळहळ व्यक्त होत आहे. घटनेबाबत अधिक तपास सुरू असल्याची माहिती पोलिसांकडून देण्यात आली आहे.