धक्कादायक! प्रेमात अडसर ठरणाऱ्या पतीचा पत्नीने प्रियकराच्या मदतीने काढला काटा; आरोपी प्रेमीजोडप्याला दापोली पोलिसांनी ठोकल्या बेड्या
योगेश पांडे/वार्ताहर
दापोली – प्रेमात अडसर ठरणाऱ्या पतीचा पत्नीने आपल्या प्रियकराच्या मदतीने खून केल्याची धक्कादायक घटना दापोलीमध्ये घडली. अनैतिक संबंधातून पत्नीने प्रियकराच्या मदतीने पतीचा काटा काढल्याच्या घटनेने एकच खळबळ उडाली आहे. संशयित आरोपी म्हणून पत्नी नेहा निलेश बाक्कर व तिचा प्रियकर मंगेश चिंचघरकर याला दापोली पोलिसांनी ताब्यात घेतलं आहे. या दोघांनी गुन्ह्याची कबुली दिली आहे. पोलीसांनी दिलेल्या माहितीनुसार रत्नागिरी जिल्ह्यातील दापोली गिम्हवणे गावात निलेश बाक्कर यांचा सलूनचा व्यवसाय होता. मात्र ते सोमवारीपासून बेपत्ता होते. त्यामुळे निलेश यांच्या भावाने आपला भाऊ बेपत्ता झाल्याची फिर्याद दापोली पोलीस स्थानकात दिली होती. त्यानुसार दापोली पोलिसांनी पत्नीकडे चौकशी केली असता तिच्या जबाबात तफावत आढळून आली.
पोलिसांनी नेहा बाक्कर ज्या हॉटेलमध्ये कामाला होती, त्या हॉटेलचे सीसीटीव्ही फुटेज तपासले असता ते दोघेजण हॉटेलमधून बाहेर पडत असल्याचे दिसून आले त्यामुळे पोलिसांचा संशय अधिक बळावला. एका बियर शॉपीमधून नेहाने बियर घेतल्याचे सुद्धा सीसीटीव्ही मध्ये दिसून आले. आपल्याच नवऱ्याला प्रियकराच्या मदतीने दारू पाजून खून केला असल्याचे तपासात समोर आले आहे. त्यानंतर हा मृतदेह विहिरीत फेकला. मृतदेह पालगड पाटील वाडीतून दापोली रुग्णालयात या आणण्यात आला. दरम्यान, संशयित आरोपी म्हणून ताब्यात घेतलेला मंगेश चिंचघरकर हा बस चालक आहे. मंडणगड डेपोची बस दापोलीला वस्तीला घेऊन आला असता, त्याला दापोली पोलिसांनी सापळा रचून पकडले आहे. अधिक पोलीस करत आहेत. या भयंकर घटनेने परिसरात एकच खळबळ उडाली आहे.