धक्कादायक ! कांदिवलीत ११ वर्षीय विद्यार्थ्यांनीचा विनयभंग करणाऱ्या शिक्षकाविरोधात गुन्हा दाखल
पोलीस महानगर नेटवर्क
मुंबई – मुंबईच्या कांदिवली परिसरातून एक धक्कादायक घटना समोर येत आहे. कांदिवली येथील एका शाळेतील शिक्षकावर ११ वर्षीय विद्यार्थिनीचा विनयभंग केल्याप्रकरणी गुन्हा दाखल करण्यात आला आहे. ही घटना जुलै महिन्याच्या अखेरीस घडली. मात्र, इयत्ता सातवीत शिकणाऱ्या विद्यार्थिनीने बुधवारी (१४ ऑगस्ट २०२४) शाळेच्या मुख्याध्यापकांना घटनेची माहिती दिल्यानंतर शिक्षकाविरोधात गुन्हा दाखल करण्यात आला. परंतु, इतक्या दिवस पीडिताने याबाबत कोणालाही कसे सांगितले नाही, आरोपी शिक्षकाने तिला कोणत्या प्रकारची धमकी दिली होती का? याचाही तपास केला जात आहे.
पोलिसांनी दिलेल्या माहितीनुसार, अल्पवयीन मुलीने आपल्या मुख्याध्यापकांना सांगितले की, जुलैच्या शेवटच्या आठवड्यात वर्ग सुटल्यानंतर आरोपी शिक्षकाने तिला हाक मारली होती. त्यानंतर मुख्याध्यापिकेने मुलीच्या पालकांना माहिती दिली आणि त्यांनी पोलिसांकडे धाव घेतली आणि मुलीच्या जबाबाच्या आधारे पोलिसांनी शिक्षकाविरुद्ध लैंगिक अत्याचारापासून बालकांचे संरक्षण अधिनियम २०१२ च्या कलमान्वये गुन्हा दाखल केला असून पोलीस अधिक तपास करीत आहेत.