बीडमधील मरळवाडी सरपंचाच्या खून प्रकरणी बबन गीतेंसह पाच जणांवर गुन्हा दाखल..! खुनाचा उलगडा करण्यात पोलिसांना यश
पोलीस महानगर नेटवर्क
बीड – बीडच्या परळीतील बँक कॉलनीत रात्री गोळीबार झाल्याचा धक्कादायक प्रकार घडला. या गोळीबारात मरळवाडीचे अजित पवार गटाचे सरपंच बापू आंधळे यांचा मृत्यू झाला. तर दोन जण गंभीर झाले. या घटनेमुळे बीडमध्ये एकच खळबळ उडाली. या प्रकरणाचा उलगडा करण्यात पोलिसांना यश आले आहे,
मिळालेल्या माहितीनुसार, मरळवाडीचे सरपंच बापू आंधळे यांच्या खुनाचा उलगडा झाला असून या प्रकरणात परळी शहर पोलीस ठाण्यात गुन्हा दाखल करण्यात आला आहे. यात राष्ट्रवादी काँग्रेस शरद पवार गटाचे प्रदेश उपाध्यक्ष बबन गीते यांच्यासह मुकुंद गीते, राजाभाऊ नेहरकर, महादेव गीते, राजेश वाघमोडे यांच्यावर गुन्हा दाखल करण्यात आला आहे.
सर्व आरोपींनी बापूराव आंधळे व ग्यानबा गीते यांना परळी येथील महादेव गीते यांच्या घरी बोलवले होते. त्या ठिकाणी बबन गीते यांनी पैसे आणलेस का? असे म्हणत बापूराव आंधळे यांना शिवीगाळ केली. बापूराव आंधळे यांनी शिवी देऊ नको असे म्हणताच बबन गीते यांनी कमरेचे पिस्तूल काढून आंधळे यांच्या डोक्यात गोळी मारली तसेच राजाभाऊ नेरकर यांनी कोयत्याने मारहाण केली. महादेव गीते याने ग्यानबा गीते यांना गोळी मारली. परंतु ती त्यांच्या छातीला चाटून गेल्याने ते जखमी झाले. दरम्यान या प्रकरणात आता गुन्हा दाखल झाल्यानंतर आरोपींच्या अटकेसाठी पोलीस ठाण्यासमोर ठिय्या आंदोलन व मृतदेह ताब्यात घेणार नसल्याचे दिसून येत आहे.
या गोळीबारात वाडीचे सरपंच बापू आंधळे यांचा जागीच मृत्यू झाला, तर नंदागौळ येथील ग्यानबा मारोती गित्ते जखमी आणि महादेव गीते हे दोघे गोळीबारात गंभीर जखमी झाले होते. जखमींना अंबाजोगाईच्या स्वामी रामानंद तीर्थ वैद्यकीय महाविद्यालयामध्ये उपचार सुरू आहेत. मृत झालेले बाबुराव आंधळे हे राष्ट्रवादी काँग्रेस अजित पवार गटात धनंजय मुंडे यांच्या नेतृत्वात काम करत आहेत. जखमी झालेले ज्ञानबा गीते हे सुद्धा धनंजय मुंडे यांचे समर्थक आहेत तर महादेव गीते हे बबन गीते हे राष्ट्रवादी काँग्रेस शरद पवार ग त्यांचे समर्थक आहेत. आता मात्र व्ह यांच्या खुनाचा उलगडा झाला असून गुन्हा दाखल करण्यात आला आहे.