दौडमध्ये खिडकीचे ग्रील कापून घरफोडी व चोरी करणाऱ्या आरोपीच्या मुसक्या आवळल्या
पुणे – दौड येथील बांधकाम सुरु असलेल्या एका जुन्या घराच्या खिडकीचे लोखंडी ग्रील तोडून घरातील बांधकामासाठी लागणाऱ्या जॅगवार कंपनीचे नळ, पॉलीकॅपच्या तारा, बेसिन, पातेले व घरातील जुने मोबाईल अशा १ लाख १० हजार किमतीच्या वस्तू चोरी करणाऱयांच्या मुसक्या दौड पोलिसांनी आवळल्या.
याबाबत अधिक माहिती अशी,’दौंड शहरातील स्टेट बँकेच्या परिसरात सुरु असलेल्या बांधकामाच्या वस्तू चोरी करून अज्ञात चोरट्याने चोरी केली होती.याबाबत अज्ञातावर दि.८ रोजी गुन्हा दाखल करण्यात आला होता. पोलिसांना एका गोपनीय बातमीदारामार्फत दौंड आरोपीची माहिती मिळाली होती. त्याअनुषंगाने पोलीस निरीक्षक यादव यांच्या मार्गदर्शनाखाली दौंड शहरातील सम्राटनगरच्या राहुल नागेश गायकवाड यास ताब्यात घेतले. त्याकडे गुन्ह्याचा सखोल तपास केला असता, त्याने केलेली घरफोडी त्याचे मित्र राहणार भीमनगर व अन्य दोघे विधी संघर्षित बालक) चौघेही (रा.भिमनगर दौंड) यांच्या मदतीने केल्याची कबुली दिली. दौंड पोलिसांनी आरोपींकडून चोरी केलेल्या ७० हजार रुपयाच्या वस्तू जप्त केल्या आहेत.
सदर कारवाई पुणे ग्रामीणचे पोलीस अधीक्षक पंकज देशमुख, बारामती अप्पर पोलीस अधीक्षक संजय जाधव, दौंड विभाग उपविभागीय पोलीस अधिकारी स्वप्नील जाधव यांच्या मार्गदर्शनाखाली दौंड पोलीस ठाण्याचे पोलीस निरीक्षक चंद्रशेखर यादव, गुन्हे शोध पथकाचे पोलिस सुभाष राऊत, नितीन बोराडे, विजय पवार, शरद वारे, विशाल जावळे व त्यांच्या पथकाने केली.