मानपाडा पोलिसांची वेगवान कारवाई; हरवलेला ₹१ लाखाचा iPhone 15 फक्त एका तासात परत!
पोलीस महानगर नेटवर्क
ठाणे : मानपाडा पोलीस ठाण्याच्या दक्ष तपासामुळे तक्रारदार महिलांचा हरवलेला मोबाईल अवघ्या एका तासात शोधून परत करण्यात आला. संबंधित महिलांचा सुमारे ₹१ लाख किंमतीचा iPhone 15 हरवला होता.
महिलेने मोबाईल हरवल्याची तक्रार मानपाडा पोलीस ठाण्यात दाखल केल्यानंतर पोलिसांनी तात्काळ तपासाची चक्रे फिरवली. तांत्रिक विश्लेषण आणि स्थानिक माहितीच्या आधारे मोबाईल शोधून तक्रारदार महिलेला सुपूर्द करण्यात आला.
मानपाडा पोलिसांच्या या तत्पर आणि प्रभावी कामगिरीचे स्थानिक नागरिकांकडून कौतुक होत आहे. नागरिकांच्या सुरक्षिततेसाठी आणि तक्रारींवर त्वरीत प्रतिसाद देण्यासाठी मानपाडा पोलीस सदैव तत्पर असल्याचे या घटनेतून पुन्हा एकदा स्पष्ट झाले आहे.