कासारवडवली पोलिसांची उत्तम कामगिरी; हरवलेले ७३ मोबाईल मालकांच्या हाती परत!
पोलीस महानगर नेटवर्क
ठाणे – कासारवडवली पोलीस ठाण्याच्या दक्ष आणि प्रभावी कामगिरीमुळे सुमारे ₹१८.७० लाख किंमतीचे वेगवेगळ्या कंपनीचे ७३ हरवलेले मोबाईल फोन शोधून त्यांचे मूळ मालकांना परत करण्यात आले आहेत.
ही प्रशंसनीय कामगिरी CEIR (Central Equipment Identity Register) पोर्टलच्या माध्यमातून करण्यात आली. मोबाईलचे IMEI क्रमांक ट्रेस करून, महाराष्ट्रासह इतर राज्यांतून हे मोबाईल शोधण्यात आले. अनेक मोबाईल पोलीस पथकाने प्रत्यक्ष जाऊन हस्तगत केले.
या उपक्रमामुळे नागरिकांच्या चेहऱ्यावर आनंद फुलला असून, त्यांच्या विश्वासाचे संरक्षण करण्याचा ठाणे पोलिसांचा निर्धार पुन्हा अधोरेखित झाला आहे.