ठाणे पोलीस आयुक्तालयाचा नवा उपक्रम; सर्व ठाण्यांत सायबर योद्धे, क्रिप्टोकरन्सी अन्वेषण कक्षाची स्थापना
पोलीस महानगर नेटवर्क
ठाणे : ठाणे पोलीस आयुक्तालयात आयुक्त श्री. आशुतोष डुंबरे यांच्या संकल्पनेतून एक महत्वपूर्ण उपक्रम राबविण्यात आला आहे. वाढत्या सायबर गुन्ह्यांना आळा घालण्यासाठी सर्व ठाण्यांत “सायबर योद्धे” नियुक्त करण्यात येणार असून, यासोबतच गुन्हे उकलण्यासाठी अत्याधुनिक तंत्रज्ञानाचा वापर करणारा “क्रिप्टोकरन्सी अन्वेषण कक्ष” देखील स्थापन करण्यात आला आहे.
या उपक्रमामुळे ऑनलाइन फसवणूक, हॅकिंग तसेच क्रिप्टोकरन्सीद्वारे होणाऱ्या व्यवहारांमधील गैरप्रकारांचा माग काढणे अधिक सुलभ होणार आहे. ठाणे पोलीस दलाने नागरिकांना सुरक्षित ठेवण्याच्या दिशेने उचललेले हे पाऊल अत्यंत महत्वाचे ठरणार आहे.