वाडीबंदर यार्डमध्ये महानगरी एक्स्प्रेसच्या बी १ डब्याला आग; गाडी यार्डला असल्याने मोठी दुर्घटना टळली
योगेश पांडे / वार्ताहर
मुंबई – मंगळवारी मुंबईत एका एक्सप्रेस गाडीच्या डब्याला आग लागल्याची घटना घडली आहे. मुंबईत यार्डमध्ये उभ्या असलेल्या एक्सप्रेस गाडीच्या डब्याला लागलेल्या आगीत सुदैवाने कोणतीही जीवितहानी झालेली नाही. एक्सप्रेसच्या डब्याला आग लागल्यानंतर तातडीने आग विझवण्याचे शर्थीने प्रयत्न करण्यात आले. अखेर अग्निशामक दलाला आग विझवण्यात यश आलं आहे. मुंबई शहरातील सर्वात महत्त्वाच्या असणाऱ्या छत्रपती शिवाजी महाराज टर्मिनस जवळ असणाऱ्या वाडीबंदर यार्डमध्ये एका एक्सप्रेस गाडीच्या डब्याला आग लागल्याची घटना घडली. या आगीवर नियंत्रण मिळवण्याचे शर्थीने प्रयत्न सुरु झाले. सुदैवाने ही गाडी यार्डला होती. गाडीत प्रवासी नव्हते. त्यामुळे मोठी दुर्घटना टळली आहे. घटनेनंतर तातडीने प्रशासन कामाला लागलं. आगीवर नियंत्रण मिळवण्याचे शर्थीचे प्रयत्न सुरु करण्यात आले. अखेर थोड्या वेळाने आगीवर नियंत्रण मिळवण्यात प्रशासनाला यश आलं.
छत्रपती शिवाजी महाराज टर्मिनस महानगरी एक्स्प्रेसच्या डब्याला आग लागल्याची घटना मंगळवारी दुपारी घडली. वाडीबंदर यार्डमध्ये गाडीची देखभाल करत असताना ही आग लागली. घटनास्थळी रेल्वे पोलीस आयुक्त राकेश कलासागर यांच्यासह रेल्वे सुरक्षा दल आणि अग्निशमन दल उपस्थित झाले. आगीवर नियंत्रण मिळवण्याचे प्रयत्न सुरू झाला. मिळालेल्या माहितीनुसार, महानगरी एक्सप्रेसच्या बी १ डब्याला आग लागली होती. घटनेचं गांभीर्य ओळखून तातडीने प्रशासन कामाला लागलं. त्यामुळे मोठी दुर्घटना टळली आहे.