कल्याण डोंबिवली शहरात अवैधरित्या राहणाऱ्या ६ बांगलादेशी नागरिकांविरूध्द कारवाई
पोलीस महानगर नेटवर्क
कल्याण – देशात अवैधरित्या राहणाऱ्या बांगलादेशी नागरिकांविरुद्ध तीव्र मोहीम हाती घेण्यात आली आहे, त्यानुसार ठाणे शहर पोलीस आयुक्त आशुतोष डुंबरे यांच्या आदेशान्वये दि.२८/०४/२०२५ रोजी पोलीस उप आयुक्त परिमंडळ ३ कल्याण अंतर्गत येणाऱ्या पोलीस ठाणे परिसरात अवैधरित्या वास्तव्य करत असलेले बांगलादेशी नागरिकांबाबत शोध मोहिम राबविण्यात आली होती. त्याअनुषगाने गोपनीय बातमी व्दारे कल्याण व डोबिवली शहर मधील संशयीत इसमांना पोलीस ठाण्यात बोलावुन त्यांच्याकडील आधारकार्ड, पॅनकार्ड व इतर कागदपत्रांची सखोल चौकशी करून पडताळणी करण्यात आली. संशयीत इसमांच्या कागदपत्रांच्या चौकशी दरम्यान एकुण ६ बांगलादेशी नागरिक अवैधरित्या वास्तव्य करत असल्याचे निदर्शनास आल्याने त्यांचे विरूध्द पारपत्र (भारतात प्रवेश) अधिनियम १९२० चे कलम ३.४ विदेशी नागरिक कायदा १९४६ चे कलम १३,१४(अ) (ब) प्रमाणे कारवाई करून अनुक्रमे महात्मा फुले चौक पोलीस ठाणे- १, खडकपाडा पोलीस ठाणे- १, बाजारपेठ पोलीस ठाणे- १ व टिळकनगर पोलीस ठाणे- १ मध्ये असे एकुण ४ गुन्हे दाखल करण्यात आले आहे. सदर गुन्हयाचा पुढील तपास चालु आहे.
तसेच पोलीस उप आयुक्त, परिमंडळ ३ कल्याण हददीत जानेवारी २०२५ ते आजपर्यंत एकुण ३८ अवैधरित्या वास्तव्य करणारे बांगलादेशी नागरिक विरूध्द एकुण १६ गुन्हे दाखल करण्यात आले आहे. असे असले तरी यापुढेही कल्याण व डोबिवली शहरात अवैधरित्या राहणाऱ्या बांगलादेशी नागरिकांविरूध्द कारवाई सुरू राहणार असल्याचे कल्याण परिमंडळ – ३ चे पोलीस उपायुक्त अतुल झेंडे यांनी सांगितले.