बोईसर-तारापूर एमआयडीसीतील युके ॲरोमॅटिक केमिकल्स कंपनीला भीषण आग; बाजूच्या दोन कंपन्या ही जळून खाक
योगेश पांडे/वार्ताहर
पालघर – आशिया खंडातील सर्वात मोठ्या औद्योगिक क्षेत्रापैकी एक असलेल्या बोईसर तारापूर एमआयडीसीत भीषण आग लागल्याची घटना घडली आहे. बोईसरच्या सालवड शिवाजी नगर परिसरातील कारखान्याला भीषण आग लागली असल्याची माहिती पुढे आली आहे. बोईसर तारापूर औद्योगिक कार्यक्षेत्रातील प्लॉट नंबर के-६ मधील युके ॲरोमॅटिक अँड केमिकल्स या कारखान्याला भीषण आग लागली आहे. घटनेची माहितीमिळताच अग्निशमन दलाच्या गाड्या घटनास्थळी दाखल झाल्या. दरम्यान, अग्निशमन दलाकडून आग आटोक्यात आणण्यात सर्थीचे प्रयत्न करण्यात आले. रविवारी या कारखान्यातील कामगारांना सुट्टी असल्यामुळे मोठा अनर्थ टळला आहे. मात्र ही आग कशामुळे लागली हे कारण अजूनह अस्पष्ट आहे. हा केमिकलचा कारखाना असल्यामुळे आग झपाट्याने पसरल्याची माहिती पोलिसांनी दिली आहे. ही आग इतकी भीषण होती की आगीचे आणि धुराचे लांबच लांब लोळ लांबूनही दिसून येत होत्या.
बोईसर तारापूर एमआयडीसीतील यु के ॲरोमॅटिक अँड केमिकल कंपनीला लागलेल्या आगीचा भडका वाढला असून कंपनी शेजारी असलेल्या श्री केमिकलला देखील आग लागली यात श्री केमिकल कंपनी देखील आगीच्या भक्षस्थानी आले.दरम्यान,सुदैवाने आगीनंतर कामगारांनी पळ काढल्याने मोठी जीवितहानी टळली आहे. दोन्ही कंपन्यांमध्ये कामगार अडकले नसल्याची प्रशासनाची प्राथमिक माहिती आहे. स्थानिक प्रशासन घटनास्थळी दाखल झाले आहे. शिवाजीनगर बाजूचा रस्ता दुरुस्तीसाठी खोदल्याने टँकर आणि इतर वाहनांनाही आग विझवणाऱ्या वाहनांसाठी अडथळा निर्माण केला. यात परफ्युम आणि प्रेग्नेंसेस बनवणारा कारखाना होता. या कारखान्यामध्ये मोठा केमिकल साठा असण्याची शक्यता वर्तवण्यात येत आहे.