अंधेरीतील ६ मजली निवासी इमारतीला भीषण आग; कोणतीही जीवितहानी नाही,मात्र संपूर्ण घर जळून खाक
योगेश पांडे वार्ताहर
मुंबई – मुंबईमधील अंधेरी भागातील वीरा देसाई रोडवर असलेल्या सहा मजली निवासी इमारतीला बुधवारी सकाळच्या वेळेत भीषण आग लागल्याची घटना घडली. सकाळी नऊच्या सुमारास इमारतीतील एका घरात आग लागली. सुदैवाने या आगीत कोणतीही जीवितहानी झाली नसून घर पूर्णपणे जळून खाक झाल्याची माहिती आहे.अधिकाऱ्यांनी दिलेल्या माहितीनुसार, अंधेरी (पश्चिम) येथील चिंचन बिल्डिंगमधील एका फ्लॅटमध्ये सकाळी ८.४२ वाजता आग लागली. अग्निशमन अधिकाऱ्याने सांगितले की सकाळी ९ वाजेच्या सुमारास आग आटोक्यात आणण्यात आली आणि घटनास्थळी कुलिंग ऑपरेशन सुरू करण्यात आले.आगीचे कारण अद्याप समजू शकलेले नाही. आगीची माहिती मिळताच अग्निशमनच्या चार गाड्या घटनास्थळी दाखल झाल्या आणि आग विझवण्यात यश मिळवल. पोलिस आणि अग्निशमन दलाच्या मदतीने इमारतीमधील सर्व रहिवाश्यांना बाहेर काढणयात यश आहे. सुदैवाने जीवितहानी टळली असली तरीही मोठी वित्तहानी झाली आहे. इमारत पूर्णपणे खाली करण्यात आली. मात्र, ही इतकी मोठी आग नेमकी कशाने लागली, याबद्दल अजून माहिती मिळू शकली नाहीये. आगीचे कारण अस्पष्ट आहे. आता या आगी प्रकरणाचा तपास हा स्थानिक पोलिस प्रशासन आणि अग्नीशामक दलाकडून केला जातोय.