नाशिक पोलिसांची जळगावात घुसून जुगार अड्ड्यावर कारवाई, जुगारांचे धाबे दणाणले
पोलीस महानगर नेटवर्क
जळगाव – नाशिकच्या विशेष पोलीस महानिरीक्षकांनी नियुक्त केलेल्या पथकाने जळगावच्या एरंडोल तालुक्यात घुसून जुगाराच्या अड्ड्यावर कारवाई केली. त्यामुळे जुगार अड्डे चालवणाऱ्यांचे धाबे दणाणले आहेत. जळगावच्या एरंडोल येथे राष्ट्रीय महामार्ग लगत एका हॉटेल जवळ सुरू असलेल्या जुगाराच्या क्लबवर विशेष पोलीस महानिरीक्षकांच्या पथकाने छापा टाकला. या कारवाईत १ लाख ३१ हजार १४० रुपये रोख रकमेसह जुगाराचे साहित्य जप्त करण्यात आले आहे. या प्रकरणी एरंडोल पोलीस ठाण्यात आठ जणांविरोधात गुन्हा दाखल करण्यात आला असून सर्वांना ताब्यात घेण्यात आले आहे.
जळगावच्या एरंडोल येथील राष्ट्रीय महामार्गावरील हॉटेल मयुरी गार्डन जवळ सुरु असलेल्या जुगाराच्या क्लबवर नाशिक येथील विशेष पोलीस महानिरीक्षकांनी नियुक्त केलेल्या विशेष पथकाने धाड टाकली. या कारवाईमुळे अवैध धंदे चालकांमध्ये खळबळ उडाली आहे. दरम्यान शहरात सहा पत्त्यांचे क्लब बिनधास्तपणे सुरु असतांना केवळ एका क्लबवर कारवाई करण्यात आल्यामुळे पोलिसांच्या भूमिकेबद्दल नागरिकांनी शंका उपस्थित केली जात आहे.