मनमाड हादरलं! जुन्या भांडणाची कुरापात काढून माजी नगरसेविका नूतन पगारे यांच्या मुलाची हत्या
योगेश पांडे / वार्ताहर
मनमाड – माजी नगरसेवकाच्या मुलावर जुन्या वादातून हल्ला केल्यानंतर त्याचा मृत्यू झाल्याच्या घटनेने मनमाड शहर हादरलं आहे. जुन्या भांडणाच्या कुरापतीतून टोळक्याने माजी नगरसेवकाच्या मुलाची हत्या केलीय. या घटनेनेमुळे मनमाड शहरात तणावाची परिस्थिती निर्माण झालीय. शनिवारी रात्री घरी जात असताना शुभम पगारे या तरुणावर हल्ला झाला. धारदार शस्त्राने त्याच्यावर वार करण्यात आले. यानंतर त्याला रुग्णालयात दाखल केले पण उपचारावेळी त्याचा मृत्यू झाला. मिळालेल्या माहितीनुसार माजी नगरसेविका नूतन पगारे यांच्या तरुण मुलाच्या हत्येने मनमाड शहरात खळबळ उडालीय. जुन्या भांडणाची कुरापात काढून टोळक्याने या तरुणाचा निर्घृणपणे खून केला. शुभम पगारे असे हत्या झालेल्या तरुणाचे नाव आहे. रात्री शुभम घरी जात असताना शहरातील स्टेडियम परिसरात टोळक्याने धारदार हत्याराने वार केले. शुभम गंभीर जखमी झाला होता. त्याला शासकीय रुग्णालयात दाखल केले होते.
गंभीर जखमी झालेल्या शुभमचा उपचारावेळी मृत्यू झाला. शुभमच्या मृत्यूमुळे नातेवाईक आणि परिसरातील नागरिक संतप्त झाले. आरोपीना अटक करण्याची मागणी करत नातेवाईकांसह नागरिकांनी पोलीस स्टेशनवर मोर्चा काढून आंदोलन केले. या घटनेमुळे शहरात तणावाची परिस्थिती निर्माण झाल. खूनाच्या घटनेनंतर पोलीस बंदोबस्त वाढविण्यात आला असून आरोपीविरुद्ध गुन्हा दाखल करून तपास प्रक्रिया सुरु करण्यात आली आहे.