ऑनलाइन आर्थिक फसवणूक ; डोंबिवली पोलीस ठाण्यात अज्ञात आरोपींच्या विरोधात तक्रार
पोलीस महानगर नेटवर्क
डोंबिवली – ऑनलाइन आर्थिक फसवणूक झाल्याची घटना डोंबिवली समोर आली आहे. टेलिग्राम अँपसद्वारे टास्क पूर्ण केल्यास ४० टक्के नफा देण्याचे आमिष दाखविले. ऑनलाइन आर्थिक फसवणूक झाल्याची घटना घडल्यानंतर फिर्यादी साईराज राजन महाडिक, वय-२४, वर्षे, याने डोंबिवली पोलीस ठाण्यात तक्रार दाखल केली असून पोलिसांकडून अज्ञात आरोपींच्या विरोधात गुन्हा दाखल करण्यात आला आहे.
साईराज राजन महाडिक (२४ वर्षे) डोंबिवली पूर्व यांना अनोळखी मोबाईलधारक व्यक्तीने कॉल करून टेलिग्राम अँपसद्वारे टास्क पूर्ण केल्यास ४० टक्के नफा मिळण्याचे आमिष दाखवले. त्यानंतर फिर्यादी यांना आरोपीने त्याच्या बँक खात्यावर एकूण ५,०१,२००/- रुपये रक्कम ऑनलाईन पाठविण्यास सांगून ती परत न करता त्यांची आर्थिक फसवणूक झाल्याचे लक्षात येतात फिर्यादी यांनी डोंबिवली पोलीस ठाण्यात दिलेल्या तक्रारिवरुन अज्ञात मोबाइलधारक आरोपीविरुद्ध गुन्हा रजि. नं. || ५९०/२०२४ माहिती तंत्रज्ञान अधिनियम सन २००० चे कलम ६६ (ड) प्रमाणे गुन्हा दाखल करण्यात आला आहे. गुन्ह्याचा पुढील तपास पोलीस निरीक्षक चव्हाण हे करीत आहेत.