पुण्यात पोर्शे कारच्या धडकेत दुचाकीचा भीषण अपघात, दोघांचा जागीच मृयू, अल्पवयीन चालकावर गुन्हा दाखल
नाईट पब्ज बंद करण्याच्या पोलीस आयुक्तांच्या सूचनेला हरताळ
पोलीस महानगर न्यूज नेटवर्क
पुणे – पुण्यातील उच्चभ्रू कल्याणीनगर परिसरात स्पोर्ट्स कारने दिलेल्या धडकेत दोघांचा मृत्यू झाला आहे. मृतांमध्ये एक तरुण आणि तरुणी आहे. अश्विनी कोष्टा आणि अनिस अहुदिया अशी त्यांची ओळख पटली असून दोघं राजस्थानचे राहणारे होते. अपघातानंतर घटनास्थळी जमलेल्या नागरिकांनी चालकाला चोप दिला. त्याचे व्हिडीओ सोशल मीडियावर व्हायरल झाले आहेत. आरोपी चालक अल्पवयीने असून पोलिसांनी त्याला ताब्यात घेतलं आहे.
याबाबत अधिक माहिती अशी की, पुण्यात शनिवारी मध्यरात्री अडीचच्या सुमारस ही घटना घडली. भरधाव कारने दुचाकीला चिरडले. विना नंबर प्लेट महागडी कार भरधाव चालवत तरुणाने दुचाकीला धडक दिली. या विचित्र अपघातात एका तरुण आणि तरुणीचा जागीच मृत्यू झाला. ब्रम्हा सनसिटीमध्ये राहणाऱ्या तरुणाने आपल्या भरधाव कारने एका दुचाकीसह अनेक वाहनांना जोरदार धडक दिली. या घटनेमध्ये तरुण आणि तरूणीचा जागीच मृत्यू झाला. मध्यरात्री पार्टी करून कार चालवणाऱ्या तरुणाने मद्यधुंद अवस्थेत दोघांचा जीव घेतला
पोलीस आयुक्तांच्या सूचनेला हरताळ
पुणे शहरातील अनेक पब्स रात्री उशिरापर्यंत सुरू असतात. अपघातामध्ये मृत्यू झालेले तरुण आणि तरुणी हे आपल्या मित्र-मैत्रिणींसोबत पार्टी संपल्यानंतर अडीचच्या सुमारास घरी परत जात होते. कल्याणीनगर-एअरपोर्ट रोडवर पोहचताच भरधाव वेगात आलेल्या कारने त्यांना धडक दिली. या अपघातामध्ये गंभीर जखमी झालेल्या दोघांचा मृत्यू झाला. दोघेही रस्त्यावर रक्ताच्या थारोळ्यामध्ये पडले होते. या घटनेनंतर काही तरुणांनी कारचालकाला पकडले आणि बेदम मारहाण केली. या घटनेची माहिती मिळताच येरवडा पोलिसांनी घटनास्थळी धाव घेत कारचालकाला ताब्यात घेतले आणि त्याच्याविरोधात गुन्हा दाखल केला. कारचालकवेदांत विशाल अग्रवाल हा पुण्यातील प्रसिद्ध बांधकाम व्यवसायिकाचा मुलगा आहे. या अपघातामध्ये अनिस अवधिया आणि अश्विनी कोस्टा यांचा मृत्यू झाला. अश्निनीचा जागीच मृत्यू झाला तर गंभीर जखमी अनिसचा उपचारादरम्यान मृत्यू झाला. निष्काळजीपणाने भरधाव वेगाने कार चालवल्यामुळे ही घटना घडली. मृत्यू झालेल्या तरुण-तरुणींचे मृतदेह शवविच्छेदनासाठी रुग्णालयात पाठवले आहेत. या घटनेचे धक्कादायक व्हिडीओ समोर आले आहेत. या अपघातप्रकरणी अनिस आणि अश्विनी यांचा मित्र एकीब रमजान मुल्ला यांनी येरवडा पोलिसांकडे फिर्याद दिली होती. पोलिसांनी कारचालक वेदांत विशाल अग्रवालविरोधात गुन्हा दाखल करत त्याला अटक केली आहे. पोलिस या प्रकरणाचा तपास करत आहे. पोलिस आयुक्तांच्या आदेशाला न जुमानता शनिवारी रात्री उशिरापर्यंत पब्स पुन्हा सुरु असल्याचे दिसून येत आहे.