पुणं हादरलं ! शाळेच्या बसमध्ये ड्रायव्हरकडून दोन चिमुकलींवर निर्घृण अत्याचार, आरोपी फरार
पोलीस महानगर नेटवर्क
पुणे – पुणे म्हणजे विद्येचे माहेरघर, सांस्कृतिक शहर आणि त्याच दिवसेंदिवस गुन्हेगारी वाढत चालली आहे. महिला व मुली असुरक्षित जीवन जगत आहेत. अशीच एक धक्कादायक घटना घडली आहे. बदलापूरमधील शाळेतील चिमुकल्या मुलींवर झालेल्या अत्याचाराच्या घटनेचे पडसाद अजूनही उमटत आहेत. ही घटना ताजी असतनाच पुण्यात शाळेच्या बसमध्ये दोन चिमुकल्या मुलींवर ड्रायव्हरकडून अत्याचार करण्यात आला. वानवडी परिसरात ही धक्कादायक घटना घडली आहे. याप्रकरणी वानवडी पोलिसांनी ४५ वर्षीय नराधमाविरोधात गुन्हा दाखल केला आहे. घडलेल्या घटनेची कुठेही वाच्यता करून नये म्हणून त्या नराधमाने मुलींना धमकावले देखील होते.
पोलिसांनी दिलेल्या माहितीनुसार, वानवडी पोलीस स्थानकात अत्याचार प्रकरणी ४५ वर्षीय आरोपीवर गुन्हा दाखल करण्यात आला आहे. हा नराधम आरोपी सहा वर्षांच्या दोन चिमुरड्यावर गेल्या चार दिवसांपासून बसध्ये अत्याचार करत होता, अशी माहिती समोर आली आहे. सदर आरोपी एका नामांकित शाळेतील विद्यार्थ्यांना बसमधून शाळेत सोडतो. दोन्ही पीडित मुली या त्याच्या बसमधील पुढच्या सीटवर बसायच्या. गेल्या चार दिवसांपासून तो ड्रायव्हर दोन्ही मुलींशी अश्लील कृत्य करत त्यांच्यावर लैंगिक अत्याचार करत होता. घडलेल्या घटनेबद्दल कुणालाही सांगायचं नाही, अशी धमकीही त्या नराधमाने मुलींना दिली होती.
मात्र, पीडित मुलींपैकी एक मुलगी घरी आल्यानंतर तिला प्रायव्हेट पार्टजवळ वेदना होऊ लागल्या. तिच्या आईने तिला विश्वासात घेऊन विचारपूस केली असता तिने ड्रायव्हर काकांनी केलेल्या दुष्कर्माबद्दल आईला सांगितलं आणि हा घृणास्पद प्रकार उघडकीस आला. याप्रकरणी पोलिसांनी आरोपीविरोधात पॉस्कोअंतर्गत गुन्हा दाखल केला असून त्याचा पोलीस आरोपीचा शोध घेत आहेत.