विद्यार्थ्यांमध्ये पोलीसांचा जागरूकतेचा संदेश! शुभम राजे कॉलेजमध्ये “सुरक्षा जनजागृती सत्र” उत्साहात
पोलीस महानगर नेटवर्क
ठाणे : कासारवडवली पोलीस ठाण्याच्या वतीने माननीय ठाणे शहर पोलीस आयुक्त यांच्या संकल्पनेनुसार पातलीपाडा येथील शुभम राजे कॉलेजमध्ये “सुरक्षा जनजागृती सत्र” आयोजित करण्यात आले.
या सत्रात विद्यार्थ्यांना वैयक्तिक सुरक्षितता, सायबर सुरक्षिततेचे महत्त्व, अंमली पदार्थांचे दुष्परिणाम, तसेच Good Touch आणि Bad Touch या विषयांवर सविस्तर मार्गदर्शन करण्यात आले. त्याचबरोबर संशयास्पद घटना किंवा प्रसंग आढळल्यास तात्काळ Dial 112 वर संपर्क साधावा, असे आवाहनही पोलीस अधिकाऱ्यांकडून करण्यात आले.
कार्यक्रमात उपस्थित विद्यार्थ्यांनी उत्साहाने सहभाग घेत विविध प्रश्न विचारले. त्यावर पोलीस अधिकाऱ्यांनी समाधानकारक उत्तरे देत विद्यार्थ्यांना सजग आणि जबाबदार नागरिक म्हणून वावरण्याचे आवाहन केले.
या उपक्रमाद्वारे विद्यार्थ्यांमध्ये सुरक्षा, जागरूकता आणि सामाजिक जबाबदारीची भावना बळकट करण्याचा उद्देश साधला गेला.